Túrkistan oblysynda kir jýǵysh untaq jasaýshylar brendtik belgilerdi zańsyz qoldanǵan

<p>TÚRKІSTAN. KAZINFORM &ndash; Kúdiktiler brendtik belgileri bar polıetılen paketterine sapasyz ónimdi salǵan.</p>

Túrkistan oblysy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri júrgizgen jedel-izdestirý is-sharalary barysynda Shymkent qalasynda ornalasqan kontrofaktili ónimdi daıyndaý boıynsha jasyryn tsehtyń qyzmetine tosqaýyl qoıyldy. 

Kentaý qalasynyń eki turǵyny brendtik belgileri bar polıetılen paketterin alyp, oǵan qoldan jasalǵan kir jýǵysh untaqtardy salyp satqan. Kúdiktiler bul áreketterin Shymkent qalasyndaǵy úıdi jalǵa alyp, sonda jasaǵan. 

«Polıtsııa tekserý barysynda tsehtyń ishinde kontrafaktilik ónimi bar 300-den astam qapty, sonymen qatar árqaısysy 40 keli bolatyn belgisiz untaq tektes zattyń 13 qabyn, untaqqa qosý úshin daıyndalǵan tuz tárizdi zattyń 5 qabyn tárkiledi. Sonymen qatar elektrondy tarazylar jáne taǵy da basqa aıǵaqty zattar tabyldy. Qazirgi tańda jınaqtalǵan materıaldar Shymkent qalasy boıynsha ekonomıkalyq tergeý departamentine joldandy», - delingen Túrkistan oblysy polıtsııa departamentiniń baspasóz qyzmeti taratqan aqparatta.