Túrkistan oblysynda kortej jasap, kólikte salıýt atqan jastar jaýapqa tartyldy

<p>Jol erejesin óreskel buzǵan jastar kóliktiń júk salǵyshyna salıýt qoıyp atqan, dep habarlaıdy <a href="Kazinform." target="_blank" rel="noopener">Kazinform.</a></p>

Áleýmettik jelide taraǵan vıdeodan kóshe boıynda júrgen Lada-21705 kóliginiń «drıft» jasap, jol erejesin óreskel buzǵanyn kórýge bolady. Tipti, júk salǵyshynyń ústine salıýt qoıyp atqan. Jol erejesin saqtamaı, ózge kólikterge kedergi keltirip, avarııalyq jaǵdaı týǵyzǵan.

Monıtorıng jumystaryn júrgizgen tártip saqshylary oqıǵanyń Ordabasy aýdanynda bolǵanyn anyqtady. Kólik júrgizýshisi ákimshilik jaýapqa tartylyp, kóligi aıypturaqqa qoıyldy. 

«Lada-21705 kóliginiń júrgizýshisi QR ÁQBtK 593-baby 1-bóligi, 590-baby 2-bóligi, 606-baby 1-bóligi boıynsha jaýapqa tartyldy. Júrgizýshi kinásin tolyq moıyndap, aldaǵy ýaqytta mundaı bassyzdyqtarǵa jol bermeıtinin jetkizdi», - delingen Túrkistan oblysy polıtsııa departamentiniń baspasóz qyzmeti taratqan aqparatta.