Túrkistan oblysynda qorshaǵan orta tazalyǵyna nuqsan keltirgen 700-den astam quqyq buzýshylyq tirkeldi

<p>TÚRKІSTAN. KAZINFORM - Elimizde tabıǵatqa janashyrlyq tanytý,&nbsp; qorshaǵan ortany taza ustaý mádenıetin qalyptastyrý maqsatynda &laquo;Taza Qazaqstan&raquo; atty ekologııalyq aktsııasy ótip jatyr.</p>

«Taza Qazaqstan» jobasynyń aıasynda Túrkistan oblysyna qarasty aýdan, qalalar men eldi mekenderde tazalyq jumystary qarqyndy túrde júrip jatyr. Sonymen qatar Túrkistan oblysynyń polıtseıleri qorshaǵan ortanyń abattandyrý qaǵıdalaryn buzý, ortaq paıdalanatyn oryndardy lastaý, jasyl ekpelerdi joıý jáne búldirý zań buzýshylyqtarynyń aldyn alý maqsatynda júıeli jumystar atqaryp keledi. Máselen, 2 táýlikte 739 quqyq buzýshylyq anyqtalyp, ákimshilik jaýapkershilik qaraldy. 

Foto: Túrkistan oblysy ákimdigi

Atap aıtqanda, taýarlarmen nemese ózge de zattarmen zańsyz saýda jasaý boıynsha 11 jaıt, belgilenbegen oryndarda saýda jasaýmen 72 derek tirkelgen. Al ortaq paıdalanatyn oryndardy lastaý onyń ishinde belgilenbegen oryndarǵa kommýnaldyq qaldyqtardy tastaý babymen 267 derek anyqtalyp, quqyq buzýshylarǵa ákimshilik shara kórildi.

«Oblys aýmaǵynda Polıtsııa departamentiniń bastyǵy M.Qabdenovtyń tapsyrmasyna sáıkes 8-14 sáýir aralyǵynda «Tazalyq» jedel-profılaktıkalyq is-sharasy ótip jatyr. Osy rette polıtseıler tártipke baǵynýǵa jáne qandaı da bir zańsyz áreketterge jol bermeýge shaqyra otyryp, qorshaǵan ortanyń tazalyǵyn saqtaýǵa keńes beredi», - delingen Túrkistan oblysy ákiminiń baspasóz qyzmeti taratqan aqparatta.