Túrkistan oblysynda qyzylsha juqtyrǵandar sany myńnan asty

<p>Túrkistan oblysynda qyzylsha aýrýshańdyǵynan epıdemıologııalyq jaǵdaı kúrdelene tústi, dep habarlaıdy <a href="Kazinform" target="_blank" rel="noopener">Kazinform</a>.</p>

Túrkistan oblysynda qyzylsha juqtyrǵandar sany 1000 asty. Óńirde 2731 kúdikti jaǵdaı tirkelip, onyń 1139 zerthanalyq túrde dáleldenip otyr. Onyń ishinde 14 jasqa deıingi balalar 86,1 paıyzdy quraǵan. Atap aıtqanda, 69 mekteptiń 115 oqýshysy men 68 balabaqshanyń 100 tárbıelenýshisi ınfektsııa juqtyrǵan. Qazirgi tańda óńirde qyzylshaǵa qarsy qosymsha jappaı ımmýndaý júrip jatyr. Ázirge 25466 bala ekpe aldy.

«Aýa tamshylary arqyly jyldam taraǵysh ınfektsııanyń ınkýbatsııalyq kezeńi 7 kúnnen 21 kúnge deıin sozylady. Sýyq tııý belgilerimen bastalyp, dene qyzýynyń 38-40 gradýsqa kóterilýi, álsizdik, tábettiń bolmaýy, qurǵaq jótel, murynnyń bitýi jáne eń basty kórinisi - denede bórtpelerdiń paıda bolýymen sıapattalady. Qyzylsha aýrynyń belgili bir emi joq, asqynǵan jaǵdaıdarda ólimge ákelip soqtyrýy múmkin. Sondyqtan, aýrýdyń aldyn alý úshin qyzylshaǵa qarsy qarsy ekpe alý kerek. Búgingi tańda barlyq emdeý mekemelerinde vaktsına jetkilikti» - dedi Túrkistan oblysynyń SEBD basshysy N. Nyshanov.