Túrkistan oblysynda «Qyzylqum-1» ırrıgatsııa jáne drenaj júıesi qaıta jańartylýda

<p>ASTANA. KAZINFORM - Túrkistan oblysynyń Shardara aýdanynda &laquo;Qyzylqum-1&raquo; ırrıgatsııa jáne drenaj júıesi qaıta jańartylýda. Júıe sýarmaly sýdy egis alqaptaryna baǵyttaıdy jáne jerasty sýyn qajetti deńgeıde ustap turady, dep habarlaıdy QR Sý resýrstary jáne ırrıgatsııa mınıstrligi.&nbsp;</p>

Búgingi tańda joba aıasynda 165 shaqyrym kanal, 155 shaqyrym kollektor jáne 706 gıdrotehnıkalyq qurylysty jóndeý aıaqtaldy. Nátıjesinde birqatar kanaldardyń tıimdiligi artyp, paıdaly áser koeffıtsıenti 60%-dan 90%-ǵa deıin ulǵaıdy.

Jobany 2025 jyly aıaqtaý josparlanyp otyr. Nátıjesinde, 12,5 myń gektar egis alqabyna sý berý sapasy jaqsarady, jyl saıynǵy sý shyǵyny 45 mln tekshe metrge azaıady jáne jańadan 2400 turaqty jumys orny ashylady.

«Búginde qurylys-montaj jumystarynyń jartysy aıaqtaldy. Qazir Túrkistan oblysynda birqatar iri jobalar júzege asyrylyp jatyr. Sý resýrstary jáne ırrıgatsııa mınıstrliginiń qoldaýymen 68 mln tekshe metr sý jınaı alatyn «Báıdibek-ata» sý qoımasy, sondaı-aq uzyndyǵy 21,7 shaqyrym bolatyn «Sarqyrama» kanaly salynýda», - dedi fılıal dırektory Qazybek Bedebaev.