Túrkistan oblysynda qyzdy óltirip, denesin aryqqa aǵyzyp jibergen eki kúdikti sottaldy

<p>Túrkistan oblysy qylmystyq ister jónindegi mamandandyrylǵan aýdanaralyq sotynda alqabı quramymen qos kúdiktige qatysty qylmystyq is qaraldy, dep habarlaıdy <a href="Kazinform" target="_blank" rel="noopener">Kazinform.</a></p>

Oqıǵa bıylǵy jyldyń basynda Ordabasy aýdanyndaǵy Tórtkúl aýylynda bolǵan. 9-synyp oqýshysyn bir aýylda turatyn jerlesteri bopsalap, aqsha suraǵan.

«Bir mıllıon teńge bermeseń, jalańash fotońdy jelige jarııalaımyz» dep qorqytqan. Al, keıinnen qyzdy pyshaqtap, denesin sýǵa aǵyzyp jibergen.

Túrkistan oblysy qylmystyq ister jónindegi mamandandyrylǵan aýdanaralyq sotynda alqabı quramymen qos kúdiktige qatysty qylmystyq is qaraldy. Sot úkimimen negizgi sottalýshy Qazaqstan Respýblıkasy Qylmystyq kodeksiniń 194-babynyń 1-bóligimen, 99-babynyń 2-bóliginiń 10, 14-tarmaqtarymen kináli dep tanylyp, oǵan túpkilikti 16 jyl bas bostandyǵynan aıyrý jazasyn taǵaıyndaldy. Sondaı-aq ol jazany qylmystyq atqarý júıesiniń qaýipsizdigi ortasha mekemesinde óteıtin boldy. Al, sybaılasy Qazaqstan Respýblıkasy Qylmystyq kodeksiniń 434-babymen kináli dep tanylyp, oǵan 1 jyl 4 aı bas bostandyǵynan shekteý jazasy taǵaıyndaldy.

Aıta keteıik, úkim zańdy kúshine engen joq.