Túrkistan oblysynda qyryq jastaǵy áıel úshem bosandy

<p>TÚRKІSTAN. KAZINFORM - Tólebı aýdanyna qarasty Kóksáıek aýyldyq okrýginiń 40 jastaǵy turǵyny Gaýhar Begalıeva úsh náresteni ómirge alyp keldi, dep habarlaıdy Kazinform.</p>

1984 jylǵy kelinshek eki qyz ben bir ul bosandy. Nárestelerdiń salmaǵy — 1875, 1735, 2040 gramm.

Búgin Nurmahanbetovter otbasy úlken qýanyshqa bólendi. Tóle bı aýdanynyń ákimi Tólegen Telǵaraev, aýdandyq máslıhat tóraǵasy Nurlan Qoıbaǵarov otbasyna arnaıy baryp, dúnıege kelgen úshemge qutty bolsyn aıtty. Aýdan basshysy sábılerge arba men qajetti gıgıenalyq zattar syıǵa tartty.

Jańa týǵan nárestelerge Álinur, Aısana, Aılana esimderi berildi.

Buǵan deıin bir ul men bir qyz tárbıelep otyrǵan shańyraq osylaısha kópbalaly otbasy qataryna qosyldy. Anasy aýdandyq emhanada medbıke bolsa, ákesi №3 Kóksáıek arnaýly áleýmettik qyzmetter kórsetý ortalyǵynda sanıtar bop qyzmet atqarady.