Túrkistan oblysynda qatty jelden 18 000 astam abonent jaryqsyz qaldy

<p>Báıdibek, Saýran, Ordabasy, Túlkibas aýdandary men Kentaý qalasynda jaryq sónip qaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qatty jeldiń saldarynan Kentaý qalasynda 10 nysanǵa zaqym keldi. Onyń ishinde 6 mektep, 1 balabaqsha, 2 kóp qabatty turǵyn úı, 1 jylyjaıdyń shatyry ushyp, terezeleri synǵan jáne syrtqy qaptamalary túsip qalǵan. Sondaı-aq, jeke sektordaǵy úılerdiń de qaqpalary men qorshaýlary qulaǵan.

Al Báıdibek, Saýran, Ordabasy jáne Túlkibas aýdandaryndaǵy eldi mekenderinde elektr qýaty sónip, jalpy 18 682 abonent jaryqsyz qaldy.

«Qazirgi tańda 10453 abonent elektr qýatyna qosyldy. Qalǵan 8229 abonentti elektr qýatyna qosý boıynsha jóndeý jumystary júrip jatyr. Bul baǵytqa 52 adam, 19 tehnıka jumyldyrylyp otyr», - delingen Túrkistan oblysy TJD baspasóz qyzmeti taratqan aqparatta.

Sondaı-aq, óńirde jalpy 23 000 astam abonent aýyzsýsyz qaldy. Burqasyn borannan Kentaý qalasy men Saýran jáne Túlkibas aýdandarynda aýyzsý berý toqtaǵan.

«Qazirgi tańda Kentaý qalasynda 17000 abonent sý kózine qosyldy. Qalǵan 2 aýdan boıynsha jóndeý jumystary jalǵasýda. «Saýran sý», «Turarkent sý» jáne «Ońtústik Jaryq Tranzıt» mekemeleriniń jóndeý brıgadalarymen jumys istep jatyr», - delingen vedomstvo bergen aqparatta.