Túrkistan oblysynda qar qursaýynda qalǵan 1000-ǵa jýyq jolaýshy qutqaryldy

<p>Qatty jel men qarly boran saldarynan Túrkistandaǵy oblystyq mańyzy bar joldarda kólik qozǵalysy shekteldi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Boran men qatty aıazdan Túrkistan oblysyndaǵy 9 oblystyq, 1 respýblıkalyq mańyzy bar avtomobıl joly jabyldy. Qutqarýshylar jolda qalǵan 1000-ǵa jýyq adamdy evakýatsııalaǵan. Jolaýshylar jylý beketterine ornalastyrylyp, ystyq tamaqpen qamtamasyz etildi.

«Respýblıkalyq mańyzy bar avtojolda 3 jylytý pýnkti daıyndaldy. Qazirgi tańda departamentte shtab qurylyp jedel jeli jumys istep jatyr», - delingen Túrkistan oblysy TJD baspasóz qyzmeti taratqan aqparatta.

Aıta keteıik, budan aldyn Túrkistan oblysyndaǵy respýblıkalyq mańyzy bar jolda 300-den astam júk kóligi qar qursaýynda qalǵanyn jazǵan bolatynbyz.

Óńirde joldar jabylyp, mektepter onlaın oqytýǵa kóshti.

Sondaı-aq Túrkistan oblysyndaǵy trassalarda 4 jylytý beketi jumys istep tur.