Astana qalasynyń jylý júıesi jańǵyrtylyp jatyr

<p>ASTANA. KAZINFORM &ndash; Elordada aýa raıy qubylyp tur. Kún salqyndaı bastap edi, turǵyndar batareıalardaǵy jylýdyń joq ekenine endi mán bergendeı. Bul rette, Astana qalasynyń energetıka basqarmasynyń basshysy Nurlan Kýpeshev 2023-2024 jyldardaǵy jylytý maýsymy shtattyq rejımde ótkenin málimdedi.</p>

Onyń aıtýynsha, byltyr Úkimettiń qoldaýymen birqatar nysannyń qurylysyn aıaqtalǵan.

«Máselen, «Turan» jáne «Ońtústik-Shyǵys» gaz jylý stantsııalarynyń iske qosylýynyń nátıjesinde qalanyń jylý qýaty 30%-ǵa ulǵaıdy. Energııa kózderiniń jalpy qolda bar qýaty 3 747 Gkal quraıdy. Aǵymdaǵy jylytý maýsymynda qalanyń jylýdy maksımaldy tutynýy saǵatyna 3 050 Gkal-dy qurady. Osylaısha, jylý profıtsıti 697 Gkal/saǵ deıgeıinde ornyqty. Bul – qalanyń qajettilikterin 2027 jylǵa deıin jabýǵa múmkindik beredi», - dedi basqarma basshysy Astana qalasynyń kommýnıkatsııalar qyzmetinde ótken brıfıngte. 

Bıyl «Turan» gaz jylytý stantsııasynyń ekinshi kezeginiń, 3-JEO-nyń kómir bóliginiń, «Telman» gaz jylytý stantsııasynyń birinshi kezeńiniń qurylysyn jalǵastyrý josparlanyp otyr.

Sondaı-aq, 2-JEO-ny keńeıtýdi bastaý jáne «Ońtústik-Batys» gaz jylytý stantsııasyn jobalaý jumystary bastalady. Atalǵan jobalardyń iske asýy 2035 jylǵa deıin jylý qorynyń berik bolýyna múmkindik bermek.