Túrkistan oblysynda ınternet-alaıaqtyqpen kúres qarqyndy júrip jatyr
Polıtsııa departamenti ınternet-alaıaqtyq qylmystaryn ashý jáne aldyn alýǵa baǵyttalǵan birqatar is-sharalardy júrgizip keledi. Atap aıtar bolsaq, bıylǵy jyldyń aqpan aıynda «aqsha qarajattaryńyzdy kóbeıtip beremin» nemese «ınvestıtsııa jasaý arqyly aqshalaryńyzdy eselep alasyzdar» dep jábirlenýshilerdiń senimine kirý arqyly jalpy 160 mln. teńge shyǵyn keltirgen 24 jastaǵy er adamdy qamaýǵa aldy. Qazirgi tańda qylmystyq is sotqa joldandy.
Sondaı-aq, 12 jáne 14 qarasha kúnderi aralyǵynda Respýblıka kóleminde «Antı-Frod» jedel profılaktıkalyq is-sharasy ótkizildi. Atalǵan jedel profılaktıkalyq is-shara barysynda jábirlenýshilerdiń aqsha qarajattaryn kóbeıtip beremin dep senimderine kirip, jábirlenýshilerdiń atynan jasyryn túrde onlaın nesıe rásimdeý arqyly alaıaqtyq qylmysyn jasaǵan 34 jastaǵy er adam anyqtalyp, qamaýǵa alyndy. Qazirgi tańda oǵan qatysty tergeý jalǵasýda. Kúdikti azamattyń is-áreketterinen jábirlenýshilerge jalpy 337 mln. teńgeden astam materıaldyq shyǵyn keltirilgen.
Sonymen qatar, polıtsııa departamentiniń qyzmetkerleri áleýmettik jelilerde jıhaz jasap jetkizip berý boıynsha jalǵan paraqshalar ashyp, jábirlenýshilerdiń senimine kirip aqsha qarajattaryn ıemdenip otyrǵan 23 jastaǵy er adamdy Almaty qalasynan quryqtap, Túrkistanǵa jetkizdi. Qazirgi tańda oǵan qatysty oblys kóleminde jalpy 4 qylmystyq is qozǵalǵan. Tergeý júrip jatyr.
«Qazirgi zamannyń indetine aınalǵan ınternet-alaıaqtyq qylmystary halqymyzǵa eleýli zııan keltirip jatqandyǵy barlyǵymyzǵa belgili. Memleket basshysy Qasym-Jomart Kemeluly Toqaev ınternet jáne telefon arqyly jasalatyn alaıaqtyq áreketterge aıryqsha nazar aýdarý qajettigin aıtyp kórsetken bolatyn. Osy baǵytta ınternet-alaıaqtyq qylmystaryna tosqaýyl qoıý maqsatynda júıeli is-sharalar júrgizilip jatyr», - dedi Ermek Eralyuly.
Statıstıkaǵa sáıkes, 2024 jyldyń 10 aıynyń qorytyndysymen oblys kóleminde ınternet-alaıaqtyq boıynsha 454 is tirkelse, onyń 196 – sy sotqa joldanǵan. Atalǵan saladaǵy qylmystardyń ashylý paıyzy – 44,5 paıyzdy qurap otyr. Sonymen qatar, bıyl 1 qarashadan bastap ІІM-de ınternet-alaıaqtyqpen kúresti tıimdi júrgizý maqsatynda kıberqylmysqa qarsy kúres departamenti quryldy.
«Aldaǵy ýaqytta bizdiń óńirde osyndaı derbes basqarmany ashý boıynsha jumystar atqarylýda. Sondaı-aq, arnaıy maqsattaǵy toptyń áleýmettik jelilerde paraqshalary ashyldy. Budan bylaı alaıaqtardyń qurbanyna aınalǵan azamattar áleýmettik jelilerdegi paraqshalarymyzǵa anonımdi túrde óz aryz-tilekterin joldaı alatyn bolady.Sondaı-aq, ınternet-alaıaqtyq qylmystaryna qarsy kúresti ońtaılandyrý maqsatynda ótken jyly departament bazasynda turatyn «CyberPol» soqqy-nysanaly toby quryldy. «Cyberpol» soqqy-nysanaly tobynyń tıimdiligin arttyrý maqsatynda arnaıy jumys orny, tıisti kompıýterlik tehnıka, aqparattyq mamandandyrylǵan baǵdarlamalarmen jáne qyzmettik avtokólikpen qamtamasyz etildi» - dedi- spıker .
Ermek Eralyuly ınternet-alaıaqtyq qylmystarynyń aldyn alýdyń basty sheshimderiniń biri – ol profılaktıkalyq is-sharalar ekenin atap ótti. Sondyqtan «Cyberpol» qyzmetkerleriniń bastamasymen halyq arasyndaǵy úlken nazarǵa ıe tulǵalar, ıaǵnı bloger jáne akterlardyń qatysýymen eskertpe beıne-rolıkteri jaryqqa shyǵyp jatyr. Halyq kóp shoǵyrlanatyn oryndarda, saýda-ortalyqtarynda, halyqqa qyzmet kórsetý ortalyqtarynda, kınoteatrlarda jáne bazarlarda eskertpe-sharalary turaqty túrde uıymdastyrylýda. Sonymen qatar qazirgi zaman talabyna saı áleýmettik jelileri arqyly da profılaktıkalyq is-sharalar joǵary deńgeıde ótkizilýde.
«Túrkistan-BTO» JShS-men kommýnaldyq qyzmetter túbirshegine «Abaılańyz-alaıaqtar» taqyrybynda «Eskertpe-materıaldary» engizilip qala turǵyndaryna taratyldy. Qazirgi tańda Túrkistan oblysy boıynsha dinı basqarmamen – ár aptanyń juma kúnderi meshit jáne medreselerde, al mádenıet jáne týrızm basqarmasymen – árbir sport jáne mádenı is-sharalardyń barysynda «Internet-alaıaqtarynan saq bolyńyzdar» taqyrybynda eskertpe sharalaryn ótkizý jóninde kelisimge qol jetkizildi. Sonymen qatar, «Cyberpol» soqqy-nysanaly tobynyń qyzmetkerlerimen ınternet-alaıaqtyq qylmystaryn aldyn alý maqsatynda Túrkistan oblysy aýmaǵynda ornalasqan joǵarǵy oqytý oryndarynda muǵalimderimen stýdentterge aýqymdy jınalys ótkizilýde. Áleýmettik jelilerde ınternet-alaıaqtyq qylmystaryn qarsy kúresti keńinen nasıhattaý maqsatynda «cyber_polisia_turkistan» akkaýnty qurylyp profılaktıkalyq foto-beınerolıkter jarııalanýda» - dedi Ermek Eralyuly.
Bıylǵy sáýir jáne tamyz aılarynda Túrkistan oblysy polıtsııa departamentine qarasty krımınaldyq polıtsııa basqarmasymen 20 000 dana taratpaly jáne 6 000 jabystyrmaly aqparattyq paraqsha ázirlenip, halyq arasynda taratyldy.
Oblys kólemindegi LED-ekrandarmen bılbordtarǵa ınternet-alaıaqtyq qylmystarynyń jańa túrleri boıynsha beınerolıktermen aqparattyq paraqshalar turaqty túrde jarııalanýda.
«Túrkistan oblysynda ornalasqan iri saýda ortalyqtary men bazarlarda aýdıo jáne beıne eskertpe rolıktary turaqty túrde jarııalanyp keledi. Sonymen qatar, Túrkistan qalasynda ornalasqan kınoteatrlarda departamentpen ázirlengen ınternet-alaıaqtyq qylmystaryn aldyn-alý boıysha beınerolıkter kórsetilýde. Atalǵan baǵytta «Cyberpol» qyzmetkerlerimen ınternet-alaıaqtyq qylmystaryn aldyn alý maqsatynda áleýmettik jelilerge turaqty túrde monıtorıng jumystaryn júrgizilýde», - dedi spıker.
Sonymen qatar, Ermek Eralyuly alaıaqtarǵa aldanyp qalmaý kerektigin eskertip, keńes berdi.
«Qazirgi ýaqytta ınternet-alaıaqtyq qylmystarynyń túri men tásilderi kúnnen kúnge ósip jańaryp keledi. Sol sebepti árbir shalynǵan qońyraýlarǵa muqııat bolýlaryńyzdy jáne kúdik keltiretin habarlama men jarnamalarǵa, usynystarǵa senbeýge keńes berip dereý polıtsııaǵa habarlasýdy suranamyz. Sonymen qatar, esterińizde bolsyn bank qyzmetkerleri, polıtsııa jáne uıaly telefon operatorlary eshqashan ózderi habarlasyp, Sizdiń jeke esepshot derekteri men uıaly telefonyńyzǵa kelgen qupııa kod tsıfrlaryn suramaıdy», - dedi Ermek Shákim.