Túrkistan oblysynda ınternet-alaıaqtyq qylmysy kóbeıgen

<p>TÚRKІSTAN. KAZINFORM &ndash; Óńirde ınternet-alaıaqtarǵa qarsy &nbsp;&laquo;CyberPol&raquo; soqqy-nysanaly toby jumys istep jatyr. Bul týraly Túrkistan oblysy polıtsııa departamentiniń krımınaldyq polıtsııa basqarmasy bastyǵynyń orynbasary Erdáýlet Amantaev málimdedi.</p>

Statıstıkalyq málimetterge súıensek, ótken jyly oblys aýmaǵynda ınternet-alaıaqtyq boıynsha 567 is tirkelgen. Bul kórsetkishti 2022 jylmen salystyratyn bolsaq, atalǵan qylmys túriniń 43 jaıtqa kóbeıgenin kóremiz. Al, sotqa 219 is joldanǵan.

Qazirgi kezde óńirde ınternet-alaıaqtyq qylmystaryna qarsy kúresti ońtaılandyrý maqsatynda «CyberPol» soqqy-nysanaly toby jumys istep jatyr. Onyń quramynda 6 jedel ýákil, 3 tergeýshi, 1 krımınalıst jáne 1 ІT-mamany bar.

«CyberPol» soqqy-nysanaly toby qyzmetkerlerimen júrgizilgen júıeli is-sharalardyń nátıjesinde 67 qylmysker quryqtalyp, olardyń 113-iniń ınternet-alaıaqtyq qylmystaryna qatystylyǵy dáleldendi. Máselen, Ózbekstan Respýblıkasynyń shekarasynda 2003 jyly týǵan Atyraý qalasynyń turǵyny ustaldy. Ol arzan baǵada jıhaz jasaıtynyn aıtyp, áleýmettik jelilerden ashqan jalǵan akkaýnttardan jarnama bergen. Sodan jábirlenýshilerden aqsha alyp otyrǵan. Nátıjesinde 5 mln. teńgeden astam shyǵyn keltirilgen. Qazirgi tańda kúdiktige qatysty is sotqa joldandy», - dedi Erdáýlet Amantaev.