Túrkistan oblysynda eskertkish ornatýda ereje eskermeıtinder kóp

<p>TÚRKІSTAN. KAZINFORM - Sońǵy 3 jylda oblys aýmaǵynda 31 eskertkishter ornatylǵan. Onyń ishinde 22-si monýmenttik óner qurylystaryn ornatý jónindegi komıssııanyń sheshimimen, zańnama talaptaryn saqtaı otyryp jasalsa, 9 zańdastyrylmaǵan. Bul týraly oblystyq mádenıet basqarmasynyń basshysy Ázimhan Qoılybaev málimdedi.</p>

Jalpy Túrkistan oblysynda 842 monýmentti óner týyndylary bar. Onyń 89 eskertkish bolsa, 339-y bıýst, al 414-i stella. Bir ókinishtisi, búginde qoǵamda qor ashyp, aqsha jınap, eshqandaı ruqsat almaı ata-babalaryna eskertkish qoıýshylar kóbeıgen. 

«Óńirdegi onomastıkalyq komıssııada tarıhı tulǵalardyń tizimi qalyptasqan. Sol tizimge engen azamattarǵa ǵana eskertkish qoıýǵa bolady. Al, bizde mektepti bitirgen túlekter 20, 30 jyldyqqa jınalǵan sátte, aqsha jınap, birden eskertkish ornatyp tastaıdy. Bul durys emes. Eskertkish ornatý eki kezeńnen turady. Birinshi ıdeıalyq joba usynylady. Ony biz qarap, respýblıkaǵa usynamyz. Sol jaqtan ruqsat berilgen kezde músinniń plastılınnen jasalǵan jumys jobasyn alyp keledi. Joba kelisilgen soń ǵana eskertkishti ornatýǵa ruqsat beriledi. Qazir ár aımaqtan atamyzǵa eskertkish qoıamyz degen usynystar kóp. Degenmen, respýblıkalyq komıssııanyń jyl sońyna deıin jumysy toqtatylyp tur»,- dedi Ázimhan Qoılybaev.