Túrkistan oblysynda emdik shópterdi terip, shetelge satýǵa tyıym salyndy

<p>TÚRKІSTAN. KAZINFORM — Emdik qasıeti bar ósimdikterdi terip alyp, shetelge shyǵarýshylardyń sany artqan. Bul týraly Túrkistan oblystyq tabıǵı resýrstar jáne tabıǵat retteýdi paıdalaný basqarmasynyń basshysy Qaırat Abdýalıev málimdedi.</p>

Sala mamandarynyń sózine súıensek, atalǵan ósimdikterdi paıdalanýǵa tyıym salynbaǵan.

Degenmen, sasyq keýrek pen jalańash mııanyń joıylýy jerdiń tozýyna, qumnyń kóshýine alyp keledi.

Sol sebepten memlekettiń múddesin qorǵaý maqsatynda óńirde jabaıy ósimdikterdi paıdalaný quqyǵyn shekteý jóninde sheshim qabyldanyp otyr. 

Oblys aýmaǵyndaǵy tabıǵı popýlıatsııanyń qalpyna kelýi úshin jalańash mııany — 5 jyl, sasyq keýrekti — 8 jyl merzimge paıdalaný quqyǵyn shekteý týraly qaýly qabyldandy.

«Zańǵa sáıkes, jergilikti qadaǵalaýshy organ — bizdiń basqarma. Onyń quzyryna ósimdikterdiń popýlıatsııasyn kúzetý, qorǵaý, qalpyna keltirý, monıtorg júrgizý jumystary kiredi. Sondyqtan, zańnamany buzǵan zańdy jáne jeke tulǵalardy jaýapqa tartý maqsatynda jınaqtalǵan qujattar joǵary turǵan tekserýshi organdarǵa usynylady», — dedi Qaırat Abdýalıev.