Túrkistan oblysynda eki áıel dúkennen azyq-túlik urlaǵan

<p>TÚRKІSTAN. KAZINFORM - Túrkistan oblysynda dúkennen azyq-túlik urlaǵan áıelderdiń áreketi vıdeoǵa túsip qaldy. Qazir qos kúdiktige qatysty sotqa deıingi tergeý júrip jatyr.</p>

Oqıǵa Báıdibek aýdanynda boldy. Aýdandyq polıtsııa bólimine aryzdanǵan jeke kásipker, dúkeninen belgisiz bireýlerdiń azyq-túlik urlap júrgenin jetkizgen.

Atalǵan jaǵdaıǵa qatysty tártip saqshylary, qajetti izdestirý sharalaryn júrgizdi. Kúdiktilerdiń áreketi beınebaqylaý kamerasyna arqyly áshkere boldy.

«Urlyqqa qatysy bar 43 pen 46 jas shamasyndaǵy áıelder anyqtaldy. Aldyn ala kelisip alǵan ekeý tutynýshy keıpinde azyq-túlikterdi salyp alyp, bildirmeı shyǵyp ketken. Qazirgi tańda qos áıelge qatysty sotqa deıingi tergeý amaldary júrgizilýde», - delingen Túrkistan oblysy polıtsııa departamentiniń baspasóz qyzmeti taratqan aqparatta.