Túrkistan oblysynda eki aýdandy sýmen qamtyp otyrǵan kanal Qazsýsharǵa qaıtaryldy

<p>ASTANA. KAZINFORM &ndash; Astana qalasy apellıatsııalyq sot alqasynyń qaýlysymen Túrkistan oblysynyń mamandandyrylǵan tabıǵat qorǵaý prokýratýrasynyń apellıatsııalyq shaǵymy qanaǵattandyrylyp, Astana qalasynyń mamandandyrylǵan aýdanaralyq ekonomıkalyq sotynyń sheshiminiń kúshi joıyldy.</p>

Atap aıtqanda 13 mlrd teńgege salynǵan, uzyndyǵy 13,9 shaqyrymdy quraıtyn «Táýelsizdiktiń 20 jyldyǵy» atyndaǵy mashınalyq ádispen sý kóterý kanalyn on jylǵa óteýsiz berý týraly «Qazsýshar» Túrkistan fılıaly men «SK Parasat» JShS arasynda jasalǵan №1 kelisim-shart jaramsyz dep tanyldy.

"Prokýrorlardyń aralasýyna atalǵan kanaldan aǵyn sý alatyn Jetisaı jáne Maqtaaral aýdandary kásipker-sharýa qojalyqtarynyń quqyqtary men zańdy múddeleriniń buzylýy negiz boldy.

Sonymen qatar, jańa menshik ıesi osy kanaldy durys paıdalanbaı, kanaldy tazartý jumystaryn júrgizbeý saldarynan, bógetti nyǵaıtatyn qum shyǵarylyp, nátıjesinde onyń beriktigine nuqsan kelgen", - dep jazdy baqylaýshy organnan.