Túrkistan oblysynda birin-biri aıaýsyz tepken oqýshylarǵa qatysty tergeý bastaldy

<p>Túrkistan oblysynda 11 synyp oqýshylary sabaqtan shyqqan bette tóbelesip, birin biri aıaýsyz tepkilegen, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Oqıǵa keshegi kúni Keles aýdanynda boldy. Aýyldaǵy mekteptiń joǵary synyptaǵy 2 oqýshysy ózara sózge kelip, sońy tóbeleske ulasqan. Tipti, biri kórshi mektepte oqıtyn joǵary synyptaǵy joldasyn ertip kelip, aýyldasyn birge urǵan. Nátıjesinde 11 synyp oqýshysy emhanaǵa tústi.

«Jábirlenýshi búgingi tańda em qabyldaýda. Oqıǵa boıynsha sot-saraptamalary taǵaıyndaldy. Atalǵan fakti QR Qylmystyq kodekstiń 293- baby 2-b. (Buzaqylyq) boıynsha tirkelip, sotqa deıingi tergeý júrgizilýde», - delingen Keles aýdandyq polıtsııa bólimi usynǵan aqparatta.