Túrkistan oblysynda brakonerlerden 7 bas jabaıy ańnyń denesi tabyldy
Boljam boıynsha, brakonerler kıik atqan. Kúdiktilerden qujaty joq 12 kalıbrli, qos uńǵyly ańshy myltyǵy tárkilendi. Atalǵan is boıynsha Túrkistan oblysy Sozaq aýdandyq polıtsııa bóliminde QR QK-niń 337-babynyń 3-tarmaǵy boıynsha qylmystyq is qozǵaldy.
«Ohotzooprom» ÓB» RMQK-nyń Qyzylorda óńirlik fılıalyny Shymkent tirek beketiniń ınspektorlary, Túrkistan oblystyq orman sharýashylyǵy jáne janýarlar dúnıesi aýmaqtyq ınspektsııasy qyzmetkerleriniń qatysýymen reıdtik is-shara ótti. Sozaq aýdany Qyzemshek aýylynan shamamen 70-80 shaqyrym jerde «Ýral» motokóligin tizgindegen 1982 jylǵy jergilikti turǵyn men Tasty aýylynyń 1991 jylǵy turǵyny ustaldy. Tekserý barysynda ishki qurylystary alynǵan 7 bas jabaıy ańnyń denesi tabyldy» - delingen Orman sharýashylyǵy jáne janýarlar dúnıesi komıteti taratqan aqparatta.