Túrkistan oblysynda bir synypta oqıtyn 6 egiz mektep bitirip jatyr

<p>TÚRKІSTAN. KAZINFORM &mdash; Keles aýdanynda ornalasqan Ózbekáli Jánibekov atyndaǵy № 2 mektep-gımnazııasyn bıyl 100 túlek bitiredi. Onyń ishinde bir synypta oqıtyn 6 egiz oqýshy bar.&nbsp;</p>

Aqylbek pen Asylbek, Batpa men Záýre, Aıaýjan men Arýjan esimdi jas túlekter oqýda da ozat.

Máselen, Danabaı Aqylbek «Altyn belgige», Danabaı Asylbek «úzdik attestatqa» úmitker.

Foto: Keles aýdany ákimdigi

Jigitterdiń anasy Janar Arynova mektepte muǵalim bolyp jumys isteıdi.

Al kópbalaly otbasynda tárbıelenip jatqan Batpa tigin tsehyn ashqysy kelse, Záýre sulýlyq salonynda jumys isteýdi maqsat etip otyr.

Foto: Keles aýdany ákimdigi

Arýjan men Aıaýjan bolsa birdeı zań salasynda qyzmet etý úshin «Tarıh», «Quqyq» sekildi pánderdi tańdaǵan. 

«Jalpy mektepte bilim alyp jatqan egizderdiń bilimi de tárbıesi de óte jaqsy. Ózderi óte belsendi. Qoǵamdyq jumystan da qalmaı qatysyp júredi. Men túlekterimmen maqtanatyn ustazbyn», -deıdi synyp jetekshisi Lázzat Anarqulqyzy. 

Foto: Keles aýdany ákimdigi

Bıyl Keles aýdany boıynsha 2000-nan astam bitirýshi túlek úlken ómir jolyna qadam basqaly otyr.

Sonyń ishinde 89 oqýshy «Altyn belgige» jáne 144 oqýshy «úzdik attestatqa» úmitker.