Túrkistan oblysynda bokstan Ábdisalan Nurmahanov atyndaǵy halyqaralyq jarys bastaldy

<p>ASTANA. KAZINFORM &ndash; Túrkistanda dańqty boksshy, KSRO-ǵa eńbek sińirgen sport sheberi, kezinde Qazaqstan ulttyq quramasyn baptaǵan bapker Ábdisalan Nurmahanovty eske alýǵa arnalǵan bokstan eresekter arasynda kezekti HHH halyqaralyq týrnır jalaýyn kóterdi.&nbsp;</p>

Túrkistan oblysy ákiminiń baspasóz qyzmeti málim etkendeı, boks básekesine elimizdiń 15 aımaǵynan jáne kórshiles Ózbekstan, Qyrǵyzstan, Tájikstan jáne alystaǵy Kambodja memleketinen iriktelgen 145 bylǵary qolǵap sheberi 13 salmaq dárejesinde myqtylardy anyqtaıdy. 

Dástúrli týrnırdiń saltanatty ashylý rásiminde Túrkistan qalasynyń ákimi Nurbol Turashbekov pen Ábdisalan aǵanyń jubaıy Kúlpash Shaımerdenova jarysqa qatysýshy sportshylardy quttyqtap, barshasyna sáttilik tiledi. 

Foto: Túrkistan oblysy ákiminiń baspasóz qyzmeti

Aıtýly boks básekesin Túrkistan oblysynyń ákimdigi men Oblystyq dene shynyqtyrý jáne sport basqarmasy, oblystyq joǵary sport sheberligi mektebi joǵary dárejede uıymdastyrdy. Halyqaralyq deńgeıdegi boks dodasy jaıynda Túrkistan oblystyq joǵary sport sheberligi mektebiniń dırektory Shynbolat Raıhanov jan-jaqty baıandap berdi. 

Foto: Túrkistan oblysy ákiminiń baspasóz qyzmeti

Halyqaralyq jarys 18-24 shilde aralyǵynda ótedi.

Aıta keteıik, týrnır «Olympic Center» sport kesheninde ótip jatyr.