Túrkistan oblysynda bıyl 50 myńnan astam bala birinshi synypqa barady

<p>TÚRKІSTAN. KAZINFORM &mdash; Túrkistan oblysynda 2024-2025 oqý jylynda orta bilim berý uıymdarynyń sany 1 060-qa artyp otyr. Búginde óńirde 530 myń oqýshy bolsa, onyń 52 593-y bıyl 1-synypqa barady. Bul týraly Túrkistan oblysy bilim basqarmasy basshysynyń mindetin atqarýshy Jandos Mahanbetov málimdedi.</p>

Jalpy Túrkistan oblysynda 300-den astam bilim berý uıymynda aǵymdaǵy jáne kúrdeli jóndeý jumystary júrgizilip jatyr. Onyń ishinde 193 mektep pen balabaqsha bar. Budan bólek, 22 mektepte kúrdeli jóndeý jumystary bastalǵan. Onyń 5-eýi jańa oqý jylyna deıin el ıgiligine beriledi dep kútilýde

«Óńirde «Jaıly mektep» bilim berý salasyndaǵy pılottyq ulttyq jobasy» aıasynda 2023-2025 jyldary aralyǵynda 49 myń oryndyq 63 mektep salý josparlanǵan. Al 2024 jyly 22 900 oryndyq 29 mektep qoldanysqa beriledi. Sonymen qatar, «Jaıly mektepterdegi» pedagogtardyń biliktiligin arttyrý boıynsha «Abaı atyndaǵy Qazaq ulttyq pedagogıkalyq ýnıversıtetimen» kelisim-shart jasalǵan bolatyn. Qazirgi tańda 41 muǵalim bilimin jetildirip jatyr. Budan bólek, jańa oqý jylynan bastap oblystaǵy bastaýysh synypta oqıtyn 187 832 bala bir rettik tegin ystyq tamaqpen qamtamasyz etiledi», - dedi Jandos Mahanbetov.

Spıkerdiń sózinshe 2024 jylǵy «Mektepke jol» aktsııasy aıasynda memlekettik bilim berý uıymdarynda bilim alatyn áleýmettik osal top otbasynan shyqqan 60 693 balaǵa memlekettik qoldaý kórsetiledi. Ár balanyń mektep formasyna 43 407 teńge berilgen. Sondaı-aq, «AMANAT» partııasynyń Túrkistan oblysynyń fılıaly áleýmettik az qamtamasyz etilgen otbasydan shyqqan 16 balaǵa mektep formasymen qosa oqý quraldaryn alyp bergen. Odan bólek, qoǵamdyq uıym ókili «Dáýletten» JShS-i tarapynan jańa oqý jylynda 1 synypqa baratyn 50 oqýshyǵa kómek berýge usynys bildirip, tizimi joldanǵan.