Túrkistan oblysynda báısheshek búr jardy

<p>Alǵashqy báısheshekti Báıdibek aýdanynan kórýge bolady, dep habarlaıdy <a href="Kazinform" target="_blank" rel="noopener">Kazinform.</a></p>

Áleýmettik jelide Ǵanı Nazarbek esimdi ekobelsendi alǵashqy báısheshektiń sýretimen bólisti. Kóktemniń nyshany sanalatyn báısheshek gúli Báıdibek aýdanyndaǵy «Syrdarııa-Túrkistan» memlekettik óńirlik tabıǵı parki aýmaǵynda ósip shyqqan.

«Bul qalypty jaǵdaı. Kúnniń jylynýy men jer qabatyndaǵy ylǵaldyń áserinen ósip shyqqan. Ótken jyly da qańtar aıynda báısheshek gúldep, sýyrlar oıanyp ketken bolatyn. Munyń ózi de óte qaýipti. Sebebi, kún birden sýyp ketse, úsip ketedi», - deıdi ekobelsendi.

Al, áleýmettik jelide jarııalanǵan jazbaǵa pikir jazǵan oqyrmandar dala gúliniń erte shyqqanyn jaqsylyqqa balap jatyr.