Túrkistan oblysynda baspanaǵa muqtaj emes 5 myń adam úı kezegine turyp alǵan

<p>TÚRKІSTAN. KAZINFORM &mdash; Túrkistan oblysy boıynsha 68 myńnan astam azamat úı kezegine tirkelgen. Olardyń zańdylyǵyn anyqtaý barysynda talap buzǵan 5 myńnan astam adam tirkeýden shyǵaryldy.&nbsp;</p>

Jalpy turǵyn úı-kommýnaldyq sharýashylyǵyndaǵy máseleler Túrkistan oblysynyń ákimi Darhan Satybaldynyń tóraǵalyǵymen ótken jınalysta talqylandy.

Memleket basshysynyń tapsyrmasymen turǵyn úı kezeginde turǵan azamattardyń jalǵa alyp otyrǵan baspana aqysynyń 50 paıyzyn memleket tólep beredi.

Arnaıy tekserý qorytyndysy jaldaýdy sýbsıdııalaýdan da zańsyzdyq anyqtaǵan.

Onyń basym bóligi Jetisaı men Saryaǵash aýdanynda bolǵan. 

Shyn muqtajdardyń qoldaý alýyna kedergi bolǵan áreketterdi áshkereleý jumysy aldaǵy ýaqytta da jalǵaspaq. 

«Halyqtyń turmys sapasyn tanytatyn mańyzdy kórsetkish — baspana. Muqtaj jandardy baspanamen qamtý, olardyń turmysyn túzetý, áleýmettiń áleýetin arttyrýǵa muryndyq bolý — ár ákimniń mindeti. Sondyqtan osy jumystarǵa bar kúshimizdi salýymyz kerek. Jumys ornyn ashyp, otbasyn asyraýǵa jaǵdaı jasaýymyz qajet. Jalǵyz jol — ınvestıtsııa tartý. Investordyń qolynan jetektep júrip, jańa jumys ornyn ashýǵa múmkindik jasaý kerek. Ár aýdan, qala ákimine ınvestıtsııa tartý boıynsha kórsetkish mindetteledi», — dedi Darhan Satybaldy.