Túrkistan oblysynda barlyq deńgeıdegi ákimder Jer kodeksiniń talaptaryn buzǵan

<p><span style="font-family: sans-serif; font-size: 18px;">Túrkistan oblysynda Jer kodeksiniń talaptaryn óńirge qarasty barlyq aýdan, qala ákimderi buzyp kelgen. Bul týraly óńir ákimdigi janyndaǵy Sybaılas jemqorlyqqa qarsy is-qımyl komıssııasynyń otyrysynda málim boldy, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

Oblys aýmaǵyndaǵy sýarmaly jerlerdi memleket muqtajy úshin jáne arnaıy jer qoryna alýǵa qatysty protsedýralarda qala jáne aýdan ákimderi zańǵa qaıshy qaýly shyǵarǵany anyqtalǵan. Bul, Túrkistan oblysy boıynsha Sybaılas jemqorlyqqa qarsy qyzmet júrgizgen syrtqy taldaý nátıjesinde belgili boldy.

Ákimdikterdiń zańsyz áreketteri kásipkerlerdiń quqyǵyna nuqsan keltirgen, baǵaly sýarmaly jer alqaptarynyń kólemi azaıǵan.

«2020-2023 jyldar aralyǵynda Jer kodeksiniń talaptaryn oblysqa qarasty barlyq aýdan, qala ákimderi buzyp kelgen. Mundaı qaýly shyǵarý quzyreti Jer kodeksiniń talaptaryna sáıkes, oblystyq jergilikti atqarýshy organnyń, onyń ishinde oblys ákiminiń ǵana quzyrettiligine jatady. Bir ǵana Túlkibas aýdanynda 13 kásipkerge tıesili 22 gektar sýarmaly jer ýchaskesi qaıtarylyp, olardyń quqyqtary qorǵaldy. Osylaısha, aýdan, qala ákimdikteri tarapynan memleket muqtajy úshin sýarmaly jer ýchaskelerin alyp qoıýdyń zańsyz praktıkasy toqtatyldy», –delingen Túrkistan oblysy boıynsha Sybaılas jemqorlyqqa qarsy qyzmeti taratqan aqparatta.