Túrkistan oblysynda balalaryn aıaýsyz tepkilegen áke qamaýǵa alyndy
Áleýmettik jelide taraǵan vıdeodan eresek adamnyń jerde jylap jatqan balasyn birneshe márte aıaýsyz tepkenin kórýge bolady. Al qasynda jylap jatqan kishkentaı qyzyna nazar aýdarmaıdy. Atalǵan jaǵdaıǵa qatysty resmı pikir bildirgen Túrkistan oblysy Polıtsııa departamentiniń baspasóz qyzmeti kúdiktiniń ustalyp, qamaýǵa alynǵanyn málimdedi.
«Jasóspirim balalarǵa qatysty jasalǵan quqyqqa qarsy áreket boıynsha Saıram aýdanynyń polıtsııa basqarmasy qylmystyq is qozǵady. Kúdikti ustalyp, qamaýǵa alyndy. Qazirgi ýaqytta qajetti tergeý áreketteri júrgizilýde jáne tıisti saraptamalar taǵaıyndaldy. Barlyq mán-jaılar anyqtalýda. Іstiń tergelýi Túrkistan oblysy PD bastyǵynyń jeke baqylaýynda. Jalǵan aqparat taratqanǵa zańda jaýapkershilik qarastyrylǵanyn eskerte otyryp azamattardan tek resmı derekkózderge súıenýdi suraımyz» - delingen vedomstvo aqparatynda.