TÚRKІSTAN.KAZINFORM - Túrkistan oblystyq balalar aýrýhanasynyń dárigerleri ota zalyna balalardy erekshe ádispen kirgizip jatyr.
Kishkentaı patsıentterdiń ota aldyndaǵy qorqynysh sezimin boldyrmaý maqsatynda túrkistandyq dárigerler tyń tásildi oılap tapty. Ota zalyna «Sen qaharman batyr bolasyń» dep belgili mýltfılm keıipkerleriniń kıimin kıgizip, kirgize bastady. Tyń tásildi oblystyq balalar aýrýhanasynyń qyzmetkerleri arnaıy sımpozıýmnan úırenip kelgen.
«Operatsııa isi mamandaryn biriktiretin IV Ulttyq Sımpozıýmyna qatysqan dárigerlerimiz jınaqtaǵan tájirıbelerin is-júzinde jumystaryna qoldanyp jatyr. Qaharman batyr keıipkeriniń kıimin kıgen búldirshinder operatsııaǵa kóterińki kóńil kúımen kirýde. Bul ádisti álemniń ozyq elderi de qoldanysqa engizgen. Jalpy tyń tásil oń nátıje beredi dep senemiz», - deıdi dárigerler.
Foto: Túrkistan oblystyq balalar aýrýhanasyFoto: Túrkistan oblystyq balalar aýrýhanasyFoto: Túrkistan oblystyq balalar aýrýhanasy
Qaırat Zaınıshev
Shymkenttegi M.Saparbaev atyndaǵy OQGI túlegi. Eńbek jolyn «Aqıqat-Istına» gazetinde tilshi bolyp bastady. Keıinnen «Shymkent kelbeti», «Ońtústik Qazaqstan» gazeti men «Ernur.kz» saıtynda tilshi, «Kentaý shuǵylasy» gazetiniń bas redaktory qyzmetterin atqardy. Respýblıkalyq «Ekspress K» saıtynyń Túrkistan oblysyndaǵy tilshisi boldy. 2021 jyldan bastap «Kazinform» agenttiginiń Túrkistan oblysyndaǵy tilshisi qyzmetin atqarýda.