Túrkistan oblysynda aýyr júk kólikteriniń júrgizýshilerine 50 mln teńgeden astam aıyppul salyndy

<p>TÚRKІSTAN. KAZINFORM - Óńirde jyl basynan beri 232 389 000 mln teńge jol alymy óndirildi. Bul týraly Kóliktik baqylaý ınspektsııasy habarlady.</p>

Qazirgi tańda ınspektsııa mamandary tarapynan jolaýshylardy tasymaldaıtyn jáne aýyr júk avtokólikterimen júk tasymaldaýshylarǵa qatysty turaqty túrde birlesken reıdtik is-sharalar júrgizilýde.

Onyń quramynda jolaýshylar kóligi jáne avtomobıl joldary basqarmasy men jergilikti polıtsııa qyzmeti jáne «QazAvtoJol» AQ men Ulttyq sapa ortalyǵynyń ókilderi bar.

Nátıjesinde, zań talaptaryn saqtamaǵan júrgizýshiler men kólik ıelerine 1299 ákimshilik is toltyrylyp, 50 mıllıon 220 myń teńge kóleminde aıyppul salyndy. Sondaı-aq, 232 389 000 mln teńge kóleminde jol alymy óndirildi. Sondaı-aq, aqyly avtomobıl joldarymen júrip ótkeni úshin aqyny ýaqtyly tólemegen júrgizýshiler de jaýapqa tartyldy.

«Qazirgi ýaqytta ınspektsııa tarapynan kólik salasyndaǵy zańnama talaptaryn buzýdyń aldyn alýǵa baǵyttalǵan jumystar kúsheıtilip, turaqty túrde júrgizilip keledi» - delingen vedomstvo tarapynan usynylǵan aqparatta.