Túrkistan oblysynda adam óltirgen kúdikti 13 jyldan soń qolǵa tústi

<p>TÚRKІSTAN. KAZINFORM - Jedel ýákilder buryn sottalǵan 46 jastaǵy er adamdy Shymkent qalasynda ustady. Kúdikti qamaýǵa alyndy.</p>

2011 jyly valıýta aıyrbastaýmen aınalysatyn Jetisaı aýdanynyń turǵynyna qaraqshylyq shabýyl jasaǵan er adam jábirlenýshini óltirgen. Sodan qaltasyndaǵy 5 myń AQSh dollaryn alyp, oqıǵa ornynan qashyp ketken.

Sol kezde atalǵan fakti boıynsha qylmystyq is qozǵalyp, izdestirý is-sharalary júrgizildi. Tipti, polıtsııa bazar mańynan kúdiktiniń mototsıklin taýyp, zattaı dáleldemelerdi tárkilegen.

«Polıtsııa 13 jyl boıy jedel-izdestirý is-sharalaryn toqtatpaı júrgizip, kúdiktini anyqtap, ustady. Er adam óz áreketin tolyq moıyndady. Qylmystyq istiń jınaqtalǵan materıaldary zańdy sheshim qabyldaý úshin sotqa joldandy» delingen Túrkistan oblysy polıtsııa departamentiniń baspasóz qyzmeti usynǵan aqparatta.