Túrkistan oblysynda 934 jumysshyǵa ótemaqy tólenbegen – prokýratýra

<p>Túrkistan oblysynyń prokýratýrasy jalpy bilim berý mektepteriniń kúzetshilerine jumysynan aıyrylýyna baılanysty beriletin tıesili ótemaqyny aýdarmaǵanyn anyqtady, dep habarlaıdy <a href="https://kaz.inform.kz/" target="_blank" rel="noopener">Kazinform </a>oblystyq prokýratýraǵa silteme jasap.&nbsp;</p>

Qazaqstan Respýblıkasynyń Bilim jáne ǵylym mınıstriniń buıryǵymen bilim berý salasyndaǵy qyzmetti júzege asyratyn obektiler terrorıstik turǵydan osal obektilerge ótýine baılanysty, olardy kúzetý jeke kúzet agenttikterine berilgen.

Bul quqyqtyq ózgeristerdiń saldarynan Túrkistan oblysynyń bilim berý bólimderi 1 473 mektep kúzetshilerimen eńbek sharttaryn birjaqty buzǵan.

Alaıda jumys berýshi enbeń zańnamasynyń talaptaryn buza otyryp, 934 jumysshyǵa tıisti ótemaqyny tólemegen.

Qoldanylǵan sharalarmen bir aıdaǵy ortasha jalaqy mólsherinde ótemaqy tólemderi aýdaryldy (115 mln.).

Bul baǵyttaǵy jumys jalǵasyp jatyr jáne oblys prokýratýrasynyń baqylaýynda.