TÚRKІSTAN. KAZINFORM – Túrkistan oblysynda qatty nóser saldarynan óńirdegi úı aýlalaryn sý alyp jatyr.
Toqtaýsyz jaýǵan jańbyr saldarynan Maqtaaral, Jetisaı, Saryaǵash, Saıram aýdandaryndaǵy jer úılerdiń aýlalaryn sý basty. Tótenshe jaǵdaılar departamentiniń málimetine súıensek, atalǵan aımaqtaǵy 8 aýla sý astynda qalǵan.
«Turǵyn úılerdi sý basý qaýpi joq. Jınalǵan jańbyr sýynyń arnasyn burý, sý tartý jumystaryna 21 qyzmetker, 9-motopompa jumyldyryldy. Jumystar jalǵasýda»-delingen Túrkistan oblysy TJD qoǵammen baılanys toby taratqan aqparatta.
Foto: Túrkistan oblysynyń TJD
Qaırat Zaınıshev
Shymkenttegi M.Saparbaev atyndaǵy OQGI túlegi. Eńbek jolyn «Aqıqat-Istına» gazetinde tilshi bolyp bastady. Keıinnen «Shymkent kelbeti», «Ońtústik Qazaqstan» gazeti men «Ernur.kz» saıtynda tilshi, «Kentaý shuǵylasy» gazetiniń bas redaktory qyzmetterin atqardy. Respýblıkalyq «Ekspress K» saıtynyń Túrkistan oblysyndaǵy tilshisi boldy. 2021 jyldan bastap «Kazinform» agenttiginiń Túrkistan oblysyndaǵy tilshisi qyzmetin atqarýda.