Túrkistan oblysynda 64,5 mln teńgeni quraıtyn asfalt tósemi buzylyp, qaıta salyndy

<p>TÚRKІSTAN. KAZINFORM &ndash; Óńirde jańadan tóselgen 8 100 m2 asfalt tósemi buzylyp, qaıta salyndy. Bul shamamen 64,5 mln teńgeni quraıdy.&nbsp;</p>

Túrkistan oblysynyń jolaýshylar kóligi jáne avtomobıl joldary basqarmasynyń basshysy Qýatjan Jumataevtyń sózine súıensek, basqarmamen «Ulttyq jol aktıvteri sapasy ortalyǵy» RMK Túrkistan oblystyq fılıaly arasynda 237,6 mln. teńgege kelisimshart túzilgen. Búgingi tańǵa deıin jańadan salynǵan nysandarǵa 492 ret aralaý júrgizilip, 1 229 synama alynǵan. Nátıjesinde, 559 synama qurylys normalaryna sáıkes kelse, 321-i kemshilik normadan aýytqyǵan. 

«Qazirgi tańda kemshilikterdi joıý boıynsha jumystar júrip jatyr. Osy rette, 8 100 m2 nemese 64,5 mln.tg quraıtyn asfalt tósemi buzylyp qaıta salyndy. Odan bólek, 11 nysan boıynsha 2 merdiger, 2 tehnıkalyq qadaǵalaýshy, 2 avtorlyq qadaǵalaýshy mekemelerge 7,3 mln.tg aıyppul salyndy», - dedi Qýatjan Jumataev. 

Túrkistan oblysy boıynsha avtomobıl joldarynyń jalpy uzyndyǵy 17 700 shaqyrymdy quraıdy. Bıylǵy jyldyń qorytyndysymen jaqsy jáne qanaǵattanarlyq jaǵdaıdaǵy oblystyq jáne aýdandyq mańyzy bar joldardyń úlesin 93,7 paıyzǵa jetkizý josparlanyp otyr. Bul baǵytta, bıyl avtomobıl joldary salasyn damytýǵa bıýdjetten 41,4 mlrd. teńge bólingen. Qurylys-jóndeý jumystarynyń nátıjesinde 1 061,3 shaqyrym jol jóndeýden ótse, jyl qorytyndysymen taǵy 559,6 shaqyrym jol paıdalanýǵa beriledi dep kútilip otyr. 

Aıta keteıik, budan buryn Túrkistan oblysynda tazalyq saqtamaǵan 23 myńnan astam adamǵa aıyppul salynǵanyn jazǵan edik.