Túrkistan oblysynda 58 mekteptiń lıtsenzııasy ýaqytsha toqtatylyp, aıyppul salyndy
Túrkistan oblysynyń bilim salasynda sapany qamtamasyz etý departamenti júrgizgen tekserý nátıjesinde 58 memlekettik mektepte lıtsenzııalaý normalary buzylǵandyǵy anyqtaldy. Atap aıtar bolsaq, 400-den astam pedagog biliktiligin arttyrmaǵan. Jumys oqý jospary sáıkes emes, medıtsınalyq kabınetter lıtsenzııalanbaǵan, ashana sanıtarlyq-epıdemıologııalyq qorytyndysyz qyzmet atqarǵan, órt qaýipsizdigi talaptaryna sáıkes keletin akt/hat joq, fızıka, hımııa, bıologııa kabınetteri joq, edu.kz aımaǵynda úshinshi deńgeıdegi domendik ataýy alynbaǵan, aýyzsý burqaqtary qarastyrylmaǵan, «Ulttyq bilim berý derekqory» aqparattyq júıesine (NOBD) sáıkes emes, erekshe bilim berýdi qajet etetin adamdar (balalar) úshin jaǵdaı jasalmaǵan.
Departament mektepterdiń bilim berý qyzmetimen aınalysatyn lıtsenzııasyn ýaqytsha toqtatyp, 9 mıllıon teńgeden astam aıyppul saldy.
«Mektep basshylaryna nusqama berildi. Ákimshilik jaza qoldanylǵannan keıin bir jyl ishinde qaıtalap jasalǵan áreketter, lıtsenzııalaý normalaryn buzýshylyqtardy joımaǵan jaǵdaıda mektep lıtsenzııadan aıyrylatyn bolady» - dedi Túrkistan oblysynyń bilim salasynda sapany qamtamasyz etý departamentiniń basshysy Ǵalymjan Almatov.