Túrkistan oblysynda 20 adam sýǵa batyp qaıtys boldy

<p>Jyl basynan beri Túrkistan oblysynda 20 adam sýǵa batyp qaıtys boldy, onyń 13-i &ndash; kámeletke tolmaǵan bala. Bul týraly Túrkistan oblysy TJD bastyǵynyń mindetin ýaqytsha atqarýshy Baqytjan Zaparov málimdedi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

Qaza tapqandardyń kópshiligi Otyrar aýdanynda tirkelgen. Munda 11 adam sýǵa tunshyǵyp qaıtys bolǵan. Sondaı-aq sýǵa shomylý kezinde ajal qushqandardyń sany Shardara aýdanynda 3, Báıdibek aýdany men Arys qalasynda 2, Sozaq pen Ordabasy aýdanynda 1 adamnan tirkelip otyr.

«1-maýsym – jazǵy shomylý maýsymy bastalǵannan beri 18 adam sýǵa batyp qaza tapty. Atalǵan kórsetkish ótken jylmen salystyrǵanda 74%-ǵa kóbeıgenin kóremiz. Jas balalardyń qaza tabýynyń negizgi sebebi ata-analardyń salǵyrttyq tanytyp, balalaryn qaraýsyz qaldyrýy bolyp otyr», - dedi azamattyq qorǵaý polkovnıgi Baqytjan Zaparov.