Túrkistan oblysynda 14 jylqyny urlaǵan eki oblystyń turǵyndary ustaldy

<p>TÚRKІSTAN. KAZINFORM &ndash; Túrkistan oblysynyń Polıtsııa departamenti krımınaldyq polıtsııa basqarmasynyń qyzmetkerleri jedel-izdestirý is-sharalary barysynda mal urlyǵymen aınalysqan adamdar tobynyń qyzmetine tosqaýyl qoıdy.</p>

Jedel ýákilder 3 kúdiktini, ıaǵnı Túrkistan jáne Qyzylorda oblystarynyń turǵyndaryn ustady, olardyń biri — maldardy satyp alýshy.

Mal urlaýshylardyń Báıdibek aýdanynda ornalasqan jaıylymnan 14 jylqyny jymqyrǵany anyqtaldy. Jalpy shyǵyn 4 mln teńgeden asty.

Kúdiktilerdiń biriniń turǵylyqty jerin tintý barysynda urlanǵan jylqylardy, GAZel avtokóligin jáne basqa da zattaı dáleldemelerdi tárkiledi.

Sondaı-aq olardyń Qyzylorda oblysynyń aýmaǵynda basqa da 2 mal urlyǵyna qatysy bar ekeni belgili boldy.

«Qazirgi ýaqytta mal urlyǵy faktisi boıynsha sotqa deıingi tergeý júrgizilýde. Kúdiktilerdiń basqa da osyǵan uqsas qylmystarǵa qatysy bar ekeni anyqtaldy. Barlyq qajetti jedel-tergeý is-sharalary jalǵasyp jatyr», — dep jazdy Polisia.kz.