Túrkistan oblysynda 14 baǵytta jol jabyldy

<p>TÚRKІSTAN. KAZINFORM - Qazirgi kezde Túrkistan oblysynda 1 respýblıkalyq, 13 oblystyq jol jabyq tur. Bul týraly Túrkistan oblysy tótenshe jaǵdaılar departamentiniń baspasóz qyzmeti málimdedi.</p>

Túrkistan oblysyndaǵy qalyń qar men burqasyn saldarynan joldar jabylyp jatyr. Tótenshe jaǵdaılar departamentiniń qyzmetkerleri men qutqarýshylary jáne polıtsııa qyzmetkerleri kúsheıtilgen tártippen jumys isteýde.

Qazirgi kezde respýblıkalyq «Almaty – Tashkent – Termez» tas jolynyń Túlkibas aýmaǵyndaǵy bóligi barlyq avtokólik túrleri úshin jabyldy. Sondaı-aq, Sozaq aýdanyndaǵy oblystyq mańyzy bar «Sholaqqorǵan-Aşysaı-Kentaý» avtojolynda da kún raıynyń nasharlaýyna baılanysty barlyq kólik túriniń qozǵalysyna tyıym salyndy.

«Oblys aýmaǵyndaǵy «Qoshqarata-Jaryqbas-Birlik», «Ulanbel-Sozaq-Sholaqqorǵan-Shaıan-Ekpindi» Túlkibas aýdanyndaǵy «Mashat» demalys aımaǵy, «Kershetas-Keltemashat-Daýbaba», «Kóksáıek-Nysanbek», «Shymkent-Qasqasý-Kóksáıek-Saıram», «Balyqty-Abaı-Pásteli-Jaskeshý», «Sharaphana-Janabazar-1 mamyr», «Aǵaıdar-Ekpindi» joldarynda barlyq avtokólikterdiń qozǵalysyna shekteý qoıylǵan. Qazirgi kezde qutqarýshylar jolda qalyp qoıǵan kólikterge kómek berip jatyr. Ázirge qar qursaýynda qalyp qoıǵan jolaýshylar joq» - delingen Túrkistan oblysy TJD baspasóz qyzmeti usynǵan aqparatta.