Túrkistan oblysy Tótenshe jaǵdaılar departamentine jańa basshy taǵaıyndaldy

<p>Asqar Tóleshev Túrkistan oblysy Tótenshe jaǵdaılar&nbsp; departamentin basqarady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qazaqstan Tótenshe jaǵdaılar mınıstriniń buıryǵymen Túrkistan oblysy Tótenshe jaǵdaılar departamentiniń basshysy bolyp polkovnık Tóleshev Asqar Dáýletbaıuly taǵaıyndaldy. Ol buryn Aqtóbe oblysy Tótenshe jaǵdaılar departamenti basshysynyń orynbasary qyzmetin atqarǵan.

Ujymǵa jańa basshyny Qazaqstan Respýblıkasynyń Tótenshe jaǵdaılar vıtse-mınıstri general-maıor Baýyrjan Syzdyqov tanystyrdy. Vıtse-mınıstr Asqar Tóleshevti jańa laýazymǵa taǵaıyndalýymen quttyqtap, oblys turǵyndarynyń qaýipsizdik mádenıetin arttyrý boıynsha jumystardy kúsheıtýdi tapsyrdy. 

Jıynda Túrkistan oblysynyń ákimi Darhan Satybaldy jańa basshyǵa mańyzdy mindetter júktelip otyrǵanyn aıta kele, jumysyna sáttilik tiledi.

Tóleshev Asqar Dáýletbaıuly 1975 jyly Aqtóbe oblysy Aqtóbe qalasynda dúnıege kelgen.

1996 jyly Ózbekstan Respýblıkasy ІІM Tashkent joǵary órt-tehnıkalyq mektebin bitirgen. Mamandyǵy – «Órt qaýipsizdigi».