Túrkistan oblysy bala týý kórsetkishi boıynsha respýblıkada kósh bastap tur

<p>TÚRKІSTAN. KAZINFORM &ndash; Túrkistan oblysy halqynyń sany 2 140 926 adamdy qurady. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynyń Túrkistan oblysy boıynsha departamenti basshysynyń orynbasary Nurqoja Bekjanov málimdedi.&nbsp;</p>

2023 jyldyń 1 jeltoqsanyndaǵy kórsetkish boıynsha Túrkistan oblysy halqynyń sany 2 140 926 adamdy quraǵan. Onyń ishinde qala halqy – 527 633 bolsa, aýyl halqynyń úlesi – 1 613 293.

«Óńirde qańtar-qarasha aılarynda 51 145 bala týǵan. Onyń 26 323-i – ul bolsa, 24 822-si – qyz. Búginde oblys demografııany kóterý boıynsha respýblıkada kósh basynda, onyń úlesi 14,3% qurap otyr»,-dedi Nurqoja Ermekuly.

Budan bólek, spıker ótken jyldyń qańtar-qarasha aılarynda 10 826 neke tirkelgendigin aıtty. Sondaı-aq, 2023 jyly tirkelgen ajyrasýlar sany 2022 jylmen salystyrǵanda 5,6%-ǵa kemigenin jetkizdi.

Sonymen qatar, ótken jyldyń qańtar-qarasha aılarynda kóshi-qonmen oblysqa 35 953 adam kelgen. Onyń ishinde 35 473 adam – Qazaqstannyń basqa oblystarynan, 473 adam – yntymaqtastyq elderinen, 7 adam – alys shet elderden qonys aýdarǵan. Jalpy oblys ishindegi kóshi-qon 40 373 adamdy quraǵan.