Túrkistan mýzykalyq drama teatry Frantsııada óner kórsetti

<p>TÚRKІSTAN. KAZINFORM - Belfor qalasyndaǵy ulttyq teatrynda Qazaqstannyń eńbek sińirgen qaıratkeri, jazýshy-dramatýrg Ermek Amanshaevtyń lıbrettosy boıynsha qoıylǵan &laquo;Qorqyt týraly ańyz&raquo; atty plastıkalyq qoıylymy sahnalandy.&nbsp;</p>

Eki el arasyndaǵy mádenı baılanysty nyǵaıtý maqsatynda teatr ujymyn «GRRRANIT» Halyqaralyq sahnasynyń dırektory Eleonora Rossı shaqyrtqan bolatyn.

Іs-shara barysynda teatr dırektory Álimhan Myrzahan sóz sóılep, izgi tilegin bildirdi.

Foto: Túrkistan mýzykalyq drama teatrynyń baspasóz qyzmeti

«Qorqyt týraly ańyz» plastıkalyq qoıylymy Sholpan Jandarbekovanyń 100 jyldyǵyna arnalǵan Qazaqstan drama XXVIII Respýblıkalyq festıvalinde «Aıyryqsha plastıkalyq sheshim» nomınatsııasynyń, QR Mádenıet jáne Óner salasyndaǵy «UMAI» tuńǵysh ulttyq syılyǵynyń ıegeri atanǵan. 

Spektakldiń qoıýshy-rejısseri – belgili Reseılik baletmeıster, ónertanýshy Konstantın Semenov. Kompozıtory – daryndy jas kompozıtor Hamıt Shanǵalıev. Kórkemdik jetekshisi – Aınur Kópbasarova.