Túrkistan qalasynyń jańa bóliginde qarsaq júr

<p>Jergilikti turǵyndar qala ishinde júrgen túlkige uqsas qos ańdy sýretke túsirip aldy, dep habarlaıdy Kazinform.</p>

Áleýmettik jelide Túrkistan qalasynyń ortalyǵynda júrgen ańnyń vıdeosy tarady. Jańa qala aýmaǵyndaǵy kóp qabatty úılerdiń mańynda túlkige uqsas qos ańdy jergilikti turǵyndar vıdeoǵa túsirip alǵan.

Al, «Syrdarııa-Túrkistan» memlekettik óńirlik tabıǵı parkiniń ǵylymı qyzmetkeri Ǵanı Nazarbek qala ortalyǵynda júrgen qos ańnyń qarsaq ekendigin aıtty.

«Olar túlki emes, qarsaqtar. Buryn jańa qala salynbaı turǵan sátte ol jer qarsaqtardyń meken etý aılaǵy bolǵan. Al, qazir jańa qalanyń salynǵanyna 5 jyldyń júzi boldy. Oǵan deıin qarsaqtar sol jerdi meken etken. Áli kúnge deıin sol mańda olardyń inderi bar. ıAǵnı, kóne zamannan kele jatqan turaqty mekenderi. Sondyqtan, biz olarǵa tań qalmaýymyz kerek, qaıta olar «mynalar qaıdan paıda boldy» dep bizge tańǵalyp júr ǵoı», - deıdi ol.