Túrkistan qalasynyń memlekettik qyzmetshileri jumystan shyqqan soń, kóshe tazalady

<p>Memleket basshysy Qasym-Jomart Toqaevtyń bastamasymen elimizde &laquo;Taza Qazaqstan&raquo; ekologııalyq aktsııasy bastalǵan bolatyn. Respýblıkalyq sharaǵa Túrkistan qalasy ákimi apparatynyń jas mamandary óz úlesin qosty.</p>

Ekologııalyq mádenıetti qalyptastyrý, turǵyndardyń tabıǵatqa degen súıispenshiligin oıatý maqsatynda uıymdastyrylǵan sharaǵa qyzmetkerler keshki serýen ýaqytyn arnady. Jumys ýaqyty bitken soń mamandar shahardyń týrıstik aımaǵy sanalatyn mádenı-rýhanı ortalyq aýmaǵyn qoqystan tazartty. 

Senbilik barysynda bul bastamanyń tazarý men jańarý maýsymy sanalatyn kóktem mezgilinde bastaý alýynyń mańyzy zor ekendigi aıtyldy. Sonymen birge qatysýshylar halyq ánderin shyrqap, sergitý sátin ótkizdi.

«Tazalyqty tý etken jobanyń turǵyndarǵa bereri mol. Tabıǵatty aıalaý, tazalyqty ustaý ol tek qala úshin ǵana emes, bárimiz úshin ortaq dúnıe. Ortaq úıimizdiń tazalyǵyn qamtýǵa árbir turǵyn mindettimiz», - dedi aktsııaǵa qatysýshy qala ákimi apparatynyń bas mamany Erdáýlet Tórehan. 

Senbilik sońynda mamandar oblys turǵyndaryna «Taza Qazaqstan» respýblıkalyq aktsııasyna atsalysýǵa shaqyryp, arnaıy chellendj joldady. 

Aıta keteıik, 10 sáýir men 11 mamyr aralyǵynda Túrkistanda «Taza ólke – Túrkistan» naýqany ótedi. Ár aptaǵa arnaıy at berilip, túrli baǵytta ekologııalyq is-sharalar uıymdastyrylyp otyr.