Túrkistan qalasynyń kóshelerinde kók tý jelbirep tur

<p>TÚRKІSTAN. KAZINFORM &mdash; Túrkistan oblysynyń ortalyǵy &mdash; Túrkistan qalasynyń kósheleri Táýelsizdik kúni qarsańynda kók týǵa kómkerildi.</p>

Qalanyń basty kóshelerindegi LED ekrandarda Qazaqstan Respýblıkasynyń kók týy beınelengen kadrlar kórsetilgen. Sondaı-aq, merekeniń mańyzdylyǵyn aıshyqtaıtyn bılbordtar men bannerler ornatylǵan.

Árbir kóshede kók týdyń jelbireýi el táýelsizdiginiń qundylyǵyn aıshyqtap, qala turǵyndary men qonaqtaryna merekelik kóńil-kúı syılady.

— Bul bezendirýler táýelsizdikke degen qurmetti kórsetip, halyqtyń otanshyldyq sezimin arttyrýǵa yqpal etedi, - delingen Túrkistan oblysy ákimdigi taratqan aqparatta. 

Túrkistandyq turǵyndar bolsa, qala kóshelerinde ózgeristi birden baıqaǵanyn aıtady.

— Kók týymyzdy kórgen saıyn kóńilimizge jubanysh, maqtanysh sezimi keledi. Qala turǵyndaryn, jerlesterimdi Táýelsizdik merekesimen shyn júrekten quttyqtaımyn! Egemen elimiz qaryshtap damı bersin, - dedi qala turǵyny Aınur Múslimhan.