Túrkistan qalasy Túrki memleketteriniń týrıstik astanasy atandy
Jıynda Túrkistan oblysy ákimi Darhan Satybaldy tarıhtan keleshekke baǵyt alǵan túrki halyqtarynyń mádenı jáne rýhanı mekeniniń jyldan jylǵa túrlenip jatqanyn, Memleket basshysy Qasym-Jomart Toqaev Túrkistan qalasyna erekshe mártebe berýdi tapsyrǵanyn atap ótip, keńestiń VIII beıresmı sammıtinde Túrkistandy túrki áleminiń rýhanı astanasy dep ataý týraly taraptar qol qoıǵan deklaratsııanyń mańyzy joǵary ekenin jetkizgen bolatyn. Búgin Ázerbaıjan Respýblıkasynda «Shamahı — Túrki áleminiń týrızm astanasy 2023» is-sharasynyń jabylý rásimi ótti. Túrki Memleketteri Uıymy (TMU) tarapynan beriletin resmı mártebeni alý saltanatyna óńirden arnaıy delegatsııa qatysty.
«Qazan aıynda Túrkistanda ótken Túrki Memleketteri uıymy elderindegi týrızm máselelerine jaýapty mınıstrlerdiń VIII otyrysynda Túrkistan — Túrki memleketteriniń 2024 jylǵy týrıstik astanasy atandy. Búgingi saltanatty jıynǵa osy mártebeni Shamahıdan Túrkistanǵa qabyldap alýǵa kelip otyrmyz. Biz úshin tarıhı ári qýanyshty sát. Bul sheshim — túrkitildes elderdiń týrızm baǵytyndaǵy qarym-qatynasyn nyǵaıtýǵa aıryqsha serpin beredi. Túrkistan oblysynda tarıhı-tanymdyq týrızminen bólek, emdik-saýyqtyrý jáne ekologııalyq týrızm baǵytymen sizderdi tanysýǵa shaqyramyz. Tarıhtan keleshekke baǵyt alǵan Túrkistanda, ıaǵnı Atajurtta asyǵa kútemiz!» — degen oblystyq qoǵamdyq damý basqarmasynyń basshysy Erlan Kúzembaev túrki halyqtarynyń mádenı jáne rýhanı mekeni, Qazaq handyǵynyń astanasy bolǵan Túrkistan jurtshylyǵynyń sálemin jetkizdi.
1500 jyldan astam tarıhy bar Túrkistan qalasy ilim men ǵylymnyń, ádebıet pen mádenıettiń, Uly Jibek joly boıyndaǵy saýda-sattyqtyń naǵyz ortalyǵy bolǵan. Túrkistannyń jańa kelbeti osy áleýetin qaıta jańǵyrtýda. Al Qoja Ahmet ıAsaýı kesenesi — kórkem sáýlet úlgisimen kúlli adamzattyń rýhanı murasyna aınalǵan jádiger. Kıeli shahar búginde ejelgi qalpyn saqtaı otyra, zaman talabyna kórkeıip keledi.
Aıta keteıik, Ázerbaıjannyń Shamahı qalasy Túrki Memleketteri Uıymy (TMU) tarapynan 2023 jyly túrki áleminiń týrızm astanasy bolyp, kóptegen ıgi bastamalardy júzege asyrdy. 2024 jyl bul mártebeniń Túrkistan qalasyna berilýi túrki jurtynyń tutastyǵyn damytýǵa zor qadam bolmaq. Sondaı-aq kelesi jyly jergilikti túrli is-sharalardan bólek, halyqaralyq deńgeıdi qamtıtyn jobalardy uıymdastyrý qolǵa alynǵan.