Túrkistan ákimi qaladaǵy keı nysandardyń taǵdyryna resmı túsinik berdi
Keı nysandarǵa qatysty kóterilgen máselelerge naqty túsinik bergen qala basshysy qabyldanǵan sharalardyń zańdylyǵyna toqtaldy.
Oblys ortalyǵy mártebesi berilgennen keıin qalany týrıstik ortalyq retinde damytýǵa basa mán berildi.
Ásirese, ıAsaýı kesenesi tóńireginde ornalasqan ǵımarattardy zamanaýı qonaq úı retinde paıdalaný jáne Túrkistan qalasyna keletin týrısterge mádenı-rýhanı baǵytta qyzmet usynatyn oryndar jasaý josparlandy.
Osyǵan baılanysty Túrkistan qalasy Esim han alańyndaǵy eki ǵımarat: Ákimshilik ǵımaraty men Mádenıet úıi elektrondy saýda-sattyqqa qoıyldy.
«Ǵımarattar boıynsha quzyrly mekemeler tarapynan zań talaptaryna sáıkes tıisti tekserý jumystary júrgizildi. Qazirgi tańda ǵımarattardyń qyzmeti maqsatty uıymdastyrylyp, júzege asyrylýda. Eski ákimdik ǵımaratynyń jeńimpazy bilim salasyna ınvestıtsııa quıyp, „Bolashaq“ kolledji ashylyp, stýdentterdi qabyldaýda. Al, mádenıet úıiniń jeńimpazy zańǵa sáıkes ınvestıtsııa tarta otyryp, ǵımaratty maqsatty qoldanýyn óz quzyrynda qaldyrdy. Sońǵy 5 jylda Túrkistanda kóptegen áleýmettik nysandar salynyp, ondaǵan nysandar ákimdiktiń teńgerimine berildi. Bul nysandardyń kútip-ustaý shyǵyndaryn qala bıýdjetinen óteý múmkindigi bolmaǵandyqtan, ári qalada sheshimin kútken ózge de ózekti máselelerdiń kóptiginen bıýdjet qarajatyn maqsatty paıdalaný tapsyrmasyn júzege asyrý maqsatynda eń durys sheshim ashyq tenderler arqyly jeke sektorda basqarýshy kompanııalardy nemese menshik ıelerin anyqtaý boldy. Túrkistan qalasynyń teńgerimindegi nysandar senimgerlik basqarýǵa satyp alý quqyǵynsyz beriledi, ıaǵnı qala ákimdiginiń menshigi bolyp tabylady jáne onyń kútip-saqtalýy ákimdik tarapynan turaqty baqylaýda bolady», — dedi ákim brıfıngte.
«Vızıt ortalyǵy» ǵımaraty: Túrkistan qalasy Túrkistan oblysynyń mádenı-rýhanı ortalyǵy bolǵandyqtan, qosymsha ınvestıtsııa tartý jáne týrısterge qyzmet kórsetý sapasyn arttyrý, bıýdjet shyǵystaryn azaıtý jáne senimgerlik basqarýshy óz qarajaty esebinen ǵımaratty kútip ustaý maqsatynda «Vızıt ortalyǵy» ǵımaratyn satyp alý quqyǵynsyz 10 jyl merzimge senimgerlik basqarýǵa berý týraly Memlekettik múlik tizilimi veb-portalyna elektrondyq saýda-sattyq jarııalanyp, «Týrkestanskoe bıýro ekskýrsıı» JShS-i jeńimpaz bolyp tanyldy. Alaıda, «Týrkestanskoe bıýro ekskýrsıı» JShS kelisim-shartta kózdelgen talaptardy oryndamaýy sebebinen eki jaqty kelisimge sáıkes kelisimshart buzylyp, atalǵan ǵımaratmemleket teńgerimine qaıtaryldy.
«Vızıt ortalyǵy» ǵımaratyn keıinnen satyp alý quqyǵynsyz senimgerlik basqarýǵa berý boıynsha kepildik jarna 22 663,8 myń teńge, qoldanystaǵy zańdarǵa sáıkes senimgerlik basqarýshyǵa qaıtaryldy. Qazirgi tańda oblystyq kommýnaldyq menshikke ótkizilgen. Respýblıkalyq menshikke ótkizý jumystary júrgizilýde.
ıAsaýı mýzeıi — qazirgi tańda nysanda jabdyqtaý jáne qurylys jumystary júrgizilýde. Atalǵan nysanda tıisti jumystar aıaqtalǵannan keıin zańǵa sáıkes qabyldaý sharalary jasalady.
«Neke saraıy» ǵımaraty memlekettik múlik tizilimi veb-portalyndaǵy elektrondyq hattama negizinde «Bastama KZ» JShS–ne keıinnen satyp alý quqyǵynsyz 10 jyl merzimge senimgerlik basqarýǵa berilgen
«Shyǵys monshasy» ǵımaraty memlekettik múlik tizilimi veb- portalyndaǵy № 152097 elektrondyq hattamaǵa sáıkes 5 jyl merzimge keıinnen satyp alý quqyǵynsyz senimgerlik basqarýǵa berilgen.
«Keıinnen satyp alý quqyǵynsyz senimgerlik basqarý memlekettik múlikti jekeshelendirý emes. Memlekettik múlik memlekettiń menshiginde bolady, jekemenshikke ótpeıdi. Túrkistan qalasy ákimdigi tarapynan berilgen „Neke saraıy“ jáne „Vızıt ortalyǵy“ ǵımarattary memlekettik múlik tizilimi veb-portaly arqyly elektrondy tendermen básekelestik ortaǵa múlikti ýaqytsha paıdalanýǵa berilgen. Túrkistan qalasy oblys ortalyǵy bolǵanan keıin Qoja Ahmet ıAasaýı kesenesi aýmaǵynan rýhanı mádenı ortalyǵyn quryp, mádenı-rýhanı nysandar salyndy. Osy oraıda, mádenı rýhanı ortalyqta halyqqa qoljetimdi tamaqtaný oryndarynyń tapshylyǵy oryn aldy. Bul jóninde kelýshiler tarapynan áleýmettik jelilerde kóptep syn aıtyldy jáne Q.A.ıAsaýı kesenesine zııarat etýshiler tarapynan kesene mańynan qoljetimdi tamaqtaný oryndarynyń joqtyǵyna kóp shaǵym tústi. Osyǵan baılanysty, qolóner mektebi ǵımaratynda ornalasqan qolónershiler men kádesyı satýshylar ýaqytsha ózge ǵımaratqa kóshirilip, ıAssaýı kesenesine jaqyn jerden kelýshilerdiń talap-tilegi negizinde tamaqtaný oryndaryn ashýǵa sheshim qabyldandy. Qolónershiler úshin „Mádenı-rýhanı ortalyǵy“ aýmaǵynan 2,56 ga jer telimi qaralyp, „Qolónershiler ortalyǵy“ kesheniniń eskızdik jobasy bekitildi. Jeke ınvestor esebinen 2023 jylǵy tamyz aıynda qurylys jumystary bastaldy. 2024 jyldyń ekinshi jarty jyldyǵynda aıaqtap, qoldanysqa berý kózdelgen», — deıdi Nurlan Turashbekov.
Ákim sondaı-aq M.Syzdyqovanyń jer máselesine de jaýap berdi.
«Túrkistan qalasy ákimdiginiń 26.12.2019 jylǵy № 1890 sandy qaýlysymen atalǵan jyljymaıtyn múlikke memleket muqtajy úshin alyp qoıý týraly sheshim qabyldanǵan. Táýelsiz baǵalaýshy „Stroı Nadzor Servıs“ JShS tarapynan ǵımaratty jer telimimen 245,8 mln. teńgege baǵalanǵan. Sol kezde usynylǵan qujattarǵa sáıkes, Ǵ.Ospanovqa 17.03.2020 jyly qun tóleý týraly kelisim shart túzilgen. Menshik ıesimen kelisim shart túzý barysynda 11.03.2020 jylǵy № 10100388026894 sandy anyqtamasynda: Túrkistan qalasy, Ámir Temir kóshesi № 11B meken jaıynda ornalasqan kadastrlyq № 19-307-020-1021, jalpy alańy 0.32948 ga jer telimi men ústinde ornalasqan jyljymaıtyn múlikke Ǵ.Ospanovtyń menshik quqyǵy tirkelgendigin jáne atalǵan múlikke qatysty aýyrtpalyqtar joq ekendigi kórsetilgen. Joǵaryda kórsetilgen kelisim sharttyń negizinde, 19.03.2020 jyly qarjysy aýdarylyp, qala ákimdiginiń 28.04.2020 jylǵy № 779 qaýlysymen memleket menshigine ótken. Alaıda oblystyq sot alqasynyń 27.08.2020 jylǵy qaýlysymen 19.10.2019 jyly M.Syzdykova tarapynan M.Kýanyshbekovke bergen senimhat, M.Kýanyshbekov pen Ǵ.Ospanov arasyndaǵy shart jaramsyz dep tanylǵan. 11.05.2021 jyly taraptar arasynda medıatsııalyq kelisim bekitilip, M.Syzdyqova Ǵ.Ospanovtan múlik úshin 50 mln teńge alynǵany anyqtalǵan. Daýly jer telimine qazirgi tańda avtoturaq ornalasyp, ol jerge ınjenerlik ınfraqurylym qurylysy jáne abattandyrý jumystary júrgizilgen», — dep túsindirdi N. Turashbekov.
Bul másele boıynsha aryzdanýshynyń shaǵymy Túrkistan qalalyq jáne oblystyq sotynda qaralyp, qanaǵattandyrýsyz qaldyrylǵan. Qazirgi tańda joǵarǵy sotta qaralyp jatyr.
Túrkistan oblysynyń polıtsııa departamenti alaıaqtyq deregi boıynsha jáne Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti tarapynan atalǵan is boıynsha sotqa deıingi tergeý júrgizip jatyr.