TÚRKSOI «Jastar hory» Túrkııada gastroldik saparyn bastady
«Halyqaralyq TÚRKSOI uıymynyń túbi bir túrki elderi Táýelsizdiginiń 30 jyldyǵyna arnalǵan is-sharalary jalǵasýda. Halyqaralyq túrki mádenıeti uıymynyń uıymdastyrýymen «TÚRKSOI Jastar hory« Túrkııada gastroldik saparyn bastady. Týrne aldymen Hataı qalasynda shymyldyǵyn túrdi. Hordyń qurylǵan kúninen bastap dırıjerlik etip kele jatqan Qazaq ulttyq óner ýnıversıtetiniń professory Gúlmıra Quttybadamova Ázerbaıjan, Qazaqstan, Qyrǵyzstan, Ózbekstan jáne Túrikmenstannyń vokalısterimen túrki áleminiń tanymal týyndylaryn oryndap, kópshiliktiń qoshemetine bólenip keledi. Hataı qalasynyń meri Lıýtfú Savash ónerpazdarǵa barsha turǵyndardyń atynan alǵys aıtty», - delingen atalǵan halyqaralyq uıym taratqan aqparatta.
Aıta keteıik, túrki elderiniń talantty vokalısteriniń basyn qosqan «TÚRKSOI Jastar hory» 2015 jyly quryldy. Sol jyly Germanııada ótken Dúnıejúzilik hor olımpıadasynda úsh túrli nomınatsııada Altyn medal ıelendi. Byltyr hor óziniń birneshe albomyn shyǵardy. 11 qyrkúıek kúni Izmır qalasynda ótetin Birkken qalalar men jergilik ákimshilikter dúnıejúzilik uıymy sammıtiniń jabylý saltanatynda «TÚRKSOI Jastar hory», Izmır memlekettik teatr jáne balet hory men orkestri, sondaı-aq túrki áleminiń tanymal solısteri ataqty kompozıtor Adnan Saıgúnniń «ıÝnýs Emre» oratorııasyn oryndaıdy.