TúrkPA elderi antıterrorıstik zańnama boıynsha ortaq ustanym ázirleýde

BAKÝ. QazAqparat - 31 qazanda Baký qalasynda Qazaqstan, Ázerbaıjan, Qyrǵyzstan jáne Túrkııa parlamentarııleri men sarapshylary TúrkPA halyqaralyq qatynastar men zań máseleleri boıynsha komıssııanyń 6-shy otyrysyna qatysty, dep habarlaıdy «QazAqparat» HAA menshikti tilshisi.

Kún tártibinde qaralǵan negizgi másele - TúrkPA-ǵa múshe elderdiń antıterrorıstik zańnamalary boıynsha ortaq ustanymdy jasaý boldy.

Qazaqstan Respýblıkasy Parlamenti Senatynyń depýtaty, Qazaqstan delegatsııasynyń basshysy Dınar Nóketaeva terrorızmge qarsy kúreste halyqaralyq kelisimderge qatysýdyń qajettiligi men osy salada túrkitildes memleketterdi biriktirýdiń mańyzdylyǵyn atap ótti.

  Otyrysqa qatysýshylar terrorızmge qarsy kúrestegi yntymaqtastyq týraly pikir almasty, osy másele boıynsha ózara quqyqtyq kómek týraly pikirtalas ótkizdi. Budan basqa, komıssııa 20-21 qarashada Túrkııada ótetin 8-shi TúrkPA plenarlyq otyrysynda usynylatyn osy másele boıynsha baıandama men usynymdardy bekitti.

Jınalystyń kún tártibine TúrkPA Hatshylyǵynyń qarjylyq qyzmeti týraly erejeniń jobasyn qaraý kirdi.