Týrkompanııalar sheteldikterdiń elde vızasyz júrý merzimin uzartýdy surady
«Ótken jazda Astana reseılik týrıster arasynda TMD-taǵy eń tartymdy qalasy boldy. Kórmege kelý boıynsha Eýropa elderi arasynda Germanııa kósh bastady, al Azııa aımaǵynan eń kóp týrıst Qytaıdan keldi», - deıdi kompanııanyń baspasóz qyzmeti.
Basqarma tóraǵasynyń birinshi orynbasary Álisher Pirmetov úsh aıda Astanaǵa shamamen 5,4 mln adam kelgenin, bul byltyrǵyǵa qaraǵanda 1,7 mln-ǵa kóp ekenin aıtty. Kórmeni 3,977 mln adam tamashalady. Pirmetovtiń aıtýynsha, Qazaqstan bul kórsetkishke otandyq týrızmdi damytýǵa erekshe nazar aýdarýynyń arqasynda qol jetkizip otyr.
«Astana EKSPO-2017» kompanııasyndaǵylar shetel azamattarynyń Qazaqstanda vızasyz 72 saǵat júrýi týraly qabyldanǵan qaýly týrızm bınesine serpin bergenin atap kórsetti.
«Biz jaqynda memlekettik organdarmen elimizge shetel azamattarynyń tranzıttik kelýiniń 72 saǵat tranzıt rejımin uzartý máselesin talqylamaqshymyz. Bizdi Azııa aımaǵy, sonyń ishinde Qytaı qyzyqtyrady. Búgingi tańda Iranmen ekijaqty kelisimge qol qoıylǵan, úndi týrızminiń de áleýeti zor», - deıdi Qazaqstan Týrızm qaýymdastyǵynyń dırektory Ráshıda Shaıkenova.
Onyń aıtýynsha, bizden onsha alys emes Azııa elderi halyqaralyq týrızm naryǵynda aıtarlyqtaı belsendi bolyp otyr.