Túrkolog ǵalym Babash Ábilqasymov ómirden ozdy

NUR-SULTAN. QazAqparat – Túrkolog ǵalym, fılologııa ǵylymynyń doktory Babash Ábilqasymov dúnıeden ótti, dep habarlaıdy QazAqparat.

«Kórnekti túrkolog ǵalym, til biliminiń tarlany, fılologııa ǵylymdarynyń doktory, professor, alyptardyń izin basqan, toqsannyń tórine shyqqan Babash Ábilqasymov dúnıeden ozǵan eken. Marqumnyń otbasy men jaqyndaryna, shákirtteri men áriptesterine kóńil aıtamyn! Jany jánnatta bolsyn!», - dep jazdy Halyqaralyq Túrki akademııasynyń prezıdenti Darhan Qydyráli Facebook-tegi paraqshasynda.

Babash (Babanııaz) Ábilqasymuly Ábilqasymov 1931 jyly Atyraý oblysynyń Isataı aýdanyna qarasty Tuşyqudyq (burynǵy Dýabergen) aýlynda dúnıege keldi.

Eńbekteri:

- «Alǵashqy qazaq gazetteriniń tili» atty monografııasy (1971 j.)

- «XIX ǵasyrdyń ekinshi jartysyndaǵy qazaq ádebı tili» atty monografııasy (1982 j.)

- «XVIII-XIX ǵasyrlardaǵy qazaq ádebı tiliniń jazba nusqalary» atty monografııasy (1988 j.)

- «XX ǵasyrdaǵy qazaq ádebı tili» atty monografııasy jaryq kórdi (2000 j.)

- «Ábilǵazy hannyń «Túrki shejiresi» jáne onyń tili» atty monografııasy jaryq kórdi (2001j.)

- Ábilǵazy bahadúrdiń «Shejire-ı týrkı» kitabynyń qazaqsha aýdarmasynyń 2-basylymy jaryq kórdi (2006 j.)

- «Kazahskıı lıteratýrnyı ıazyk vtoroı polovıny HІH veka» atty monografııa (2007 j.)

- Sh.Májitaeva ekeýiniń avtorlyǵymen «Qazaq ádebı tiliniń tarıhy» atty oqý quraly (2010 j.)

- «Qazaq ádebı tiliniń tarıhy» atty elektrondyq oqýlyq (2011)

- A.Seıitbekova ekeýiniń avtorlyǵymen «Qazaq tili tarıhyna qatysty túrkologııalyq izdenister» atty monografııasy (2011)

- Qazaqtyń eski jazba ádebı tili (2016 j.)

- Ǵylymdaǵy áriptestik (2016 j.)

Marapattary:

- Stalın atyndaǵy derbes stıpendııa ıegeri (1951-53 jj.),

- V.I.Lenınniń týǵanyna 100 jyl tolýyna baılanysty «Eren eńbegi úshin» medali (1970 j.);

- Qazaq SSR Ǵylym akademııasynyń Qurmet gramotasy (1971 j.)

- «Qazaq SSR oqý-aǵartý isiniń ozyq qyzmetkeri» belgisi (1981 j.)

- «Eńbek ardageri» medali (1990 j. )

- Qazaqstan táýelsizdiginiń 10 jyldyǵyna oraı Qazaqstan Respýblıkasy Prezıdenti N.Á.Nazarbaevtyń «Alǵyshaty» tabys etildi (2001 j.)

- «Isataı aýdanynyń qurmetti azamaty» (2007 j.).

- «Eren eńbegi úshin» medali (2015 j.).

- «Soǵys ardageri» medali (2015 j.)

- Shoqan Ýálıhanov atyndaǵy birinshi dárejeli memlekettik syılyq (2008 j.)

- «Ana tili» tósbelgisi (2011 j.)

- «Qyrǵyz tili» tósbelgisi (2011 j.)

Foto: facebook.com/darhan.hidirali