Túrikmenstanda tumaýdan 33 bala qaıtys boldy

<p>Túrikmenstanda tumaýdan 33 bala kóz jumdy, olardyń kópshiliginde týa bitken júrek jáne tynys joldary aýrýlary bolǵan. Bul týraly <a href="https://www.hronikatm.com/2024/02/influenza-epidemic/" target="_blank" rel="noopener">&laquo;Hronıka Týrkmenıstana&raquo;</a> habarlady.</p>

Tumaý kóbinese 5-7 jastaǵy balalarda kezdesedi. Aıtýlarynsha, qazir jaǵdaı jaqsarǵan, osy ýaqytqa deıin aýrýhanalarda oryn jetkiliksiz bolǵan.

Aýrýhanalardyń reanımatsııa jáne terapııa bólimderinde plastmassadan jasalǵan qorshaýlar ornatylyp, tumaýmen aýyratyn naýqastar ornalastyrylǵan.

Medıtsınalyq mekeme basshylarymen ótken kezdesýlerde indetke baılanysty dári-dármek pen medıtsınalyq qural-jabdyqtardyń tapshylyǵy aıtyldy. 

– Ózbekstan kómek retinde dári-dármektiń úlken partııasyn jiberip, tapshylyqtyń orny toldy, - delingen habarlamada. 

Aýrýhananyń ár bóliminde zamanaýı reanımatsııalyq qural-jabdyqtarmen jabdyqtalǵan 1-2 kabınet qurý josparlanýda. Jeltoqsanda jáne qańtar aıynyń basynda Ashhabad pen oblystarda tumaýdyń joǵary deńgeıi baıqaldy. El astanasyndaǵy aýrýhanalar tolyp, turǵyndarǵa úıde emdelýge keńes berildi. Sebebi, bul joly ınfektsııa keńirek taraǵan.