Túrikmenstan – Qazaqstan úshin óte jaqyn baýyrlas el jáne mańyzdy strategııalyq áriptes
«Eń aldymen, Túrikmenstannyń Mınıstrler Kabıneti Tóraǵasynyń orynbasary — Syrtqy ister mınıstri, Qurmetti Rashıd Ovezgeldyevıch Meredov myrzaǵa meniń shaqyrýymdy qabyl alǵany úshin shynaıy alǵysymdy bildiremin. Astana tórinde túrikmen baýyrlarymyzdy qushaq jaıa qarsy alyp, Qazaq eline qosh keldińizder degim keledi. Biz bul saparǵa erekshe mán beremiz. Túrikmenstan — Qazaqstan úshin óte jaqyn baýyrlas el jáne mańyzdy strategııalyq áriptes. Rýhanııaty, tili men dástúri uqsas, taǵdyry bite qaınasqan, tatý kórshi ári aınymas dos elderimizdiń tilegi men yqylasy ortaq, armany bir», — dedi ol.
Sonymen qatar vıtse-premer qazaq pen túrikmen halqynyń kóne zamannan jalǵasyp kele jatqan túp-tamyrlary eki eldi eldestiretin myzǵymas faktor ekendigin basa aıtty.
«Barlyq shekaralyq máselelerdiń tolyq quqyqtyq rettelýi jemisti yntymaqtastyǵymyzdyń jarqyn úlgisi. Sonymen birge, Qazaqstan jáne Túrikmenstan — Kaspııdegi teńiz shekaralyq máselelerdi rettegen alǵashqy memleketter. Memleket basshylarymyz ornatqan syndarly saıası dıalogtyń arqasynda qazaq-túrikmen yqpaldastyǵy qaryshtap damýda. Bıylǵy jyly da qol jetkizilgen dınamıkany saqtaý úshin tıisti saparlar men is-sharalardy uıymdastyrýǵa kelistik. Úkimet jáne parlament deńgeıindegi turaqty jáne berik baılanystar udaıy nyǵaıyp keledi. Osy turǵyda qadirli dosymnyń Qazaqstanǵa resmı sapary san qyrly yntymaqtastyǵymyzdy odan ári tereńdete túsýge qomaqty úles qosatynyna kámil senemin», — dedi Murat Nurtileý.