Túrikmenstan gazyn Qazaqstanǵa jetkizý máselesi qarastyrylyp jatyr

<p>ASTANA. KAZINFORM &ndash; Qazaqstan túrikmen gazyn ımporttaýdyń áleýetti múmkindikterin zerttep jatyr. Bul týraly Túrikmenstan Mınıstrler kabıneti janyndaǵy Kólik jáne kommýnıkatsııalar agenttigi málimdedi, dep habarlaıdy <a href="https://www.inform.kz/ru/postavku-turkmenskogo-gaza-rassmatrivayut-v-kazahstane-ee91f9" target="_blank" rel="noopener">Kazinform</a> menshikti tilshisi.</p>

Agenttik QazaqGaz-qa silteme jasap, gazdy jetkizý kólemi kommertsııalyq jáne tehnıkalyq sharttar negizinde anyqtalatynyn naqtylady. QazaqGaz men «Túrikmengaz» memlekettik kontserniniń yntymaqtastyǵy ınvestıtsııalyq kelisimderge qol qoıý arqyly birlesken geologııalyq barlaý jumystaryn júrgizýdiń birqatar perspektıvalyq baǵytyn talqylaýdy da qamtıdy.

Qazirgi ýaqytta Qazaqstan ishki naryqty otandyq gaz kózderinen qamtamasyz etip otyr, ımportqa tek tutynýdyń eń joǵary kezeńinde ǵana júginedi. QazaqGaz basshysy Sanjar Jarkeshovtiń pikirinshe, aldaǵy 10-15 jylda elimizde gaz tutyný eki ese artýy múmkin.

Ashǵabadta ótken «Túrikmenstan munaıy men gazy-2024» (OGT-2024) 29-shy Halyqaralyq konferentsııasy aıasynda QazaqGaz basshysy túrikmen seriktesterimen gaz salasyndaǵy birlesken jobalardy júzege asyrýdyń naqty qadamdaryn talqylap, ózara tıimdi jobalardy odan ári ilgeriletý úshin jumys tobynyń otyrystaryn josparlady.